దిగ్గజ నటుడు మనోజ్ కుమార్ తన దేశభక్తి ప్రధాన చిత్రాలతో ప్రజల మదిలో చిరస్థాయిగా నిలిచారు. అయితే, ఆయన జీవితం ఒక సమయంలో రాజకీయాల వల్ల కష్టసమయంలోకి వెళ్లింది. ప్రధాని ఇందిరా గాంధీ హయాంలో 1975లో ఎమర్జెన్సీ ప్రకటించబడినప్పుడు, ప్రభుత్వ విధానాలను వ్యతిరేకించిన వ్యక్తులపై కఠిన చర్యలు తీసుకున్నారు. సినీ పరిశ్రమలోనూ ఈ ప్రభావం కనిపించింది. మనోజ్ కుమార్ కూడా ఎమర్జెన్సీకి తీవ్రంగా వ్యతిరేకంగా నిలబడ్డారు.
ఎమర్జెన్సీ వ్యతిరేకంగా మాట్లాడిన కారణంగా మనోజ్ కుమార్ సినిమాలపై నిషేధం విధించబడింది. ‘దస్ నంబరీ’, ‘షోర్’ వంటి సినిమాలను థియేటర్లలో ప్రదర్శించకుండా అడ్డుకున్నారు. దీంతో ఆయన భారీ ఆర్థిక నష్టాన్ని ఎదుర్కొన్నారు. ‘షోర్’ చిత్రాన్ని థియేటర్లలో విడుదల చేయకుండా, ప్రత్యక్షంగా దూరదర్శన్లో ప్రసారం చేశారు, ఫలితంగా ఆయనకు ఎలాంటి ఆదాయమూ రాలేదు. ఈ అన్యాయంపై మనోజ్ కుమార్ న్యాయపోరాటం చేశారు.
కోర్టులో పోరాడిన మనోజ్ కుమార్, చివరకు ప్రభుత్వంపై విజయం సాధించిన ఏకైక నటుడిగా నిలిచారు. కేసు గెలిచిన తర్వాత, ప్రభుత్వం ఎమర్జెన్సీపై ఒక డాక్యుమెంటరీ రూపొందించమని మనోజ్ కుమార్ను కోరింది. అయితే, ఆయన ఆ ఆఫర్ను తిరస్కరించారు. అదనంగా, ఈ డాక్యుమెంటరీ స్క్రిప్ట్ను ప్రఖ్యాత రచయిత్రి అమృతా ప్రీతమ్ రాస్తున్నారని తెలుసుకున్న ఆయన, కోపంతో ఆమెకు ఫోన్ చేసి, “మీరు అమ్ముడుపోయారా?” అని ప్రశ్నించారట. ఈ సంఘటన మనోజ్ కుమార్ అసలైన సాహసోపేత వ్యక్తిత్వాన్ని ప్రతిబింబిస్తుంది.
One thought on “ఇందిరా గాంధీ ప్రభుత్వంపై మనోజ్ కుమార్ ఎందుకు కేసు వేశారు?”
Comments are closed.