మద్రాస్ హైకోర్టు సంచలన తీర్పు

ఒక మహిళను ఎలాంటి దురుద్దేశం లేకుండా పురుషుడు చేయి పట్టి లాగడం నేరమేమీ కాదని మద్రాస్ హైకోర్టు సంచలన తీర్పు ఇచ్చింది. ఇది కేవలం బాధ పెట్టే చర్య మాత్రమేనని, దీనికి భారతీయ శిక్షాస్మృతి (IPC) ప్రకారం శిక్ష విధించలేమని కోర్టు స్పష్టం చేసింది.

కేసు వివరాలు:

• ఘటన: 2015లో చోళవందానైకి చెందిన మురుగేశన్ అనే వ్యక్తి ఒక దివ్యాంగురాలిని చేయి పట్టి లాగాడు. ఆమె తల్లి ఫిర్యాదు మేరకు పోలీసులు మురుగేశన్‌ను అరెస్ట్ చేశారు.
• దిగువ కోర్టు తీర్పు: ఈ కేసును విచారించిన దిగువ కోర్టు, మురుగేశన్‌కు మూడేళ్ల జైలు శిక్ష విధించింది.
• మద్రాస్ హైకోర్టు తీర్పు: దీనిపై మురుగేశన్ మద్రాస్ హైకోర్టును ఆశ్రయించగా, అతని శిక్షను రద్దు చేస్తూ కోర్టు తీర్పునిచ్చింది. “మహిళను చేయి పట్టుకుని లాగడం నేరం కిందకు రాదు. అది కేవలం బాధ కలిగించే చర్య మాత్రమే. అత్యాచారం లేదా లైంగిక వేధింపుల ఉద్దేశ్యం లేనప్పుడు, ఈ చర్యకు జైలు శిక్ష విధించలేం” అని కోర్టు పేర్కొంది.

ఈ తీర్పుపై న్యాయ నిపుణుల మధ్య భిన్నాభిప్రాయాలు వ్యక్తమవుతున్నాయి.

Read More : సింధు జలాలపై భారత్–పాక్ ఘర్షణ