జమ్మూ-కశ్మీర్ సరిహద్దులో మరోసారి ఉత్కంఠకర పరిస్థితులు ఏర్పడ్డాయి. పాకిస్తాన్ నుంచి సుమారు అరడజను డ్రోన్లు నియంత్రణ రేఖ (ఎల్ఓసీ) వద్ద కనిపించడం భద్రతా బలగాలను అప్రమత్తం చేసింది. నిఘా కోసం పంపి ఉంటారని భారత సైన్యం అనుమానిస్తోంది.
అధికారిక సమాచారం ప్రకారం, ఆగస్టు 24 రాత్రి రాజౌరి జిల్లాలోని సుందర్బనీ, కనుయియాన్, బల్జరోయి సెక్టార్లలో డ్రోన్ల కదలికలు గుర్తించబడ్డాయి. ఇవి కొద్ది సమయం గాల్లో గోడలు దాటుతూ తిరిగి పాక్ వైపు వెళ్లినట్లు భద్రతా సిబ్బంది తెలిపారు.
భద్రతా బలగాలు ఈ డ్రోన్ల ద్వారా ఆయుధాలు లేదా పేలుడు పదార్థాలు జారవిడిచినట్లు ఎలాంటి ఆధారాలు లభించలేదని స్పష్టం చేశాయి. ఈ ఘటనతో భారత సైన్యం, బీఎస్ఎఫ్ సిబ్బందులు మరింత కట్టుదిట్టమైన గస్తీ, నిఘా నిర్వహణకు రంగంలోకి దిగారు.
గతంలోనూ ఇలాంటి డ్రోన్ల చొరబాట్లు పాకిస్తాన్ వైపు నుంచి నమోదయ్యాయి. సరిహద్దుల్లో భారత సైనిక స్థావరాల సమాచారం తెలుసుకోవడానికి పాక్ ఈ ప్రయత్నాలు చేస్తుందని అధికారులు అభిప్రాయపడుతున్నారు. ఈ సంఘటనతో ఇరు దేశాల మధ్య సరిహద్దుల్లో ఉద్రిక్త వాతావరణం నెలకొంది.
Read More : ఎగుమతిదారులకు ఊరట కల్పించేందుకు పీఎంవో హై లెవల్ సమావేశం
One thought on “జమ్మూ-కశ్మీర్ సరిహద్దులో పాక్ డ్రోన్ల చొరబాటు”
Comments are closed.