బాలీవుడ్ స్టార్ హీరోయిన్ రకుల్ ప్రీత్ సింగ్, తన భర్త జాకీ భగ్నానితో వివాహ బంధాన్ని ఆనందంగా ఆస్వాదిస్తోంది. రకుల్, జాకీలు వివాహం తర్వాత తమ ప్రేమను ప్రతి చిన్న విషయంలో వ్యక్తపరుస్తూ అభిమానులకు క్యూట్ కపుల్ గోల్స్ ఇస్తున్నారు. తాజాగా రకుల్ తన భర్త వంటగదిలో పోహా తయారు చేస్తున్న వీడియోను సోషల్ మీడియాలో షేర్ చేయగా, అది వైరల్ అవుతోంది. భార్య కోసం స్వయంగా వంట చేస్తున్న జాకీ ప్రేమను చూసి అభిమానులు ఫిదా అవుతున్నారు.
వీడియోలో, రకుల్ భర్త వంట చేస్తున్న తీరును ఆసక్తిగా గమనిస్తూ, “మీరు ప్రతిరోజూ నా కోసం దీన్ని తయారు చేస్తారా?” అని ముచ్చటగా అడుగుతుంటే, జాకీ సిగ్గు పడుతూ సరే అన్నట్టుగా స్పందించాడు. దీనిని చూసిన అభిమానులు, ప్రేమగా వంట చేసి పెడుతున్న భర్తను పొందడం నిజంగా రకుల్ అదృష్టమని కామెంట్స్ చేస్తున్నారు. పెళ్లి అనంతరం రకుల్, జాకీ తమ వ్యక్తిగత జీవితాన్ని ప్రాధాన్యత ఇస్తూనే కెరీర్లను ముందుకు తీసుకెళుతున్నారు.
ప్రస్తుతం రకుల్ ప్రీత్ సింగ్ హిందీలో రెండు సినిమాలు చేస్తూ బిజీగా ఉంటే, తమిళ చిత్రసీమలోనూ తన రీ-ఎంట్రీకి సిద్ధమవుతోంది. జాకీ భగ్నానీ నిర్మాతగా వరుస ప్రాజెక్టులను చేపడుతూ ఇండస్ట్రీలో తనదైన ముద్ర వేశాడు. వ్యక్తిగతంగా, వృత్తిపరంగా ఇద్దరూ ఎంత బిజీగా ఉన్నప్పటికీ, తమ బంధాన్ని గట్టి బంధంగా మార్చుకుంటూ ప్రేమతో ఆనందంగా గడుపుతున్నారు.
One thought on “భార్య కోసం వంట చేసిన జాకీ భగ్నానీ.. రకుల్ క్యూట్ రియాక్షన్ వైరల్!”
Comments are closed.