టాలీవుడ్ స్టార్ హీరోయిన్ సమంత గురించి, ఆమె టాలెంట్ గురించి ప్రత్యేకంగా చెప్పనక్కర్లేదు. ‘ఏ మాయ చేసావే’ సినిమాతో హీరోయిన్గా ఎంట్రీ ఇచ్చిన సమంత, తొలి సినిమాతోనే మంచి నటిగా గుర్తింపు పొందింది. ఆ తర్వాత వరుస హిట్లతో స్టార్ స్థాయికి ఎదిగిన ఆమె ప్రస్తుతం బాలీవుడ్లో కూడా సినిమాలు చేస్తోంది. తాజాగా నిర్మాణ రంగంలోకి అడుగుపెట్టి ‘శుభం’ అనే సినిమాను నిర్మిస్తోంది.
‘శుభం’ సినిమా ప్రమోషన్స్లో భాగంగా సమంత చేసిన వ్యాఖ్యలు ఆసక్తికరంగా ఉన్నాయి. ఈ చిత్రంలో నటించినవారు కొత్తవాళ్లే అయినా వారి నటన తాను ఆశించిన దానికంటే ఎక్కువగా ఆకట్టుకుందని సమంత వెల్లడించింది. తెలుగు ప్రేక్షకులు ఎప్పుడూ మంచి కంటెంట్కు ఆదరణ చూపుతారని పేర్కొన్నారు. తన తొలి సినిమాలు ఇప్పుడు చూస్తే సిగ్గుగా అనిపిస్తుందని, అప్పటి తన నటనపై అసంతృప్తి వ్యక్తం చేశారు.
తొలి రోజుల్లో నటనపై తనకు అనుభవం లేదని సమంత ఓపెన్గా చెప్పడం విశేషం. కానీ ‘శుభం’ సినిమాలో కొత్త నటీనటులు తమ తొలి ప్రయత్నమే అయినప్పటికీ అద్భుతంగా నటించారని సమంత ప్రశంసలు కురిపించారు. ‘శుభం’ సినిమా మంచి కథ, భావోద్వేగాలతో ప్రేక్షకుల మనసును తాకుతుందన్నారు.
జీవితంలో ఛాలెంజెస్ను స్వీకరించడం తనకు నచ్చుతుందని సమంత చెప్పారు. అందుకే నిర్మాతగా మారినట్లు వెల్లడించారు. ఇది తన కొత్త జర్నీ అని, మంచి సినిమాలతో ప్రేక్షకుల్ని మెప్పించాలని ఆశిస్తున్నట్లు తెలిపారు. ‘శుభం’ సినిమా మే 9న విడుదల కాబోతుంది.
One thought on “సమంత తన తొలి సినిమాలపై స్పందన: ‘ఇప్పుడు చూస్తే సిగ్గు అనిపిస్తుంది’”
Comments are closed.