ఇందిరమ్మ ఇళ్లలో ఎంపీలకు 40% కోటా ఇవ్వాలి: MP

తెలంగాణ ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకంలో పార్లమెంటు సభ్యులకు కూడా భాగస్వామ్యం కల్పించాలంటూ బీజేపీ ఎంపీ ధర్మపురి రఘునందన్ రావు డిమాండ్ చేశారు. ఎంపీలకు 40 శాతం కోటా కేటాయించాలని కోరుతూ ఆయన ముఖ్యమంత్రి రేవంత్ రెడ్డికి లేఖ రాశారు. ఈ పథకం ద్వారా పేదలకు మరింత న్యాయం చేయాలన్న ఉద్దేశంతో ఎంపీలకు కూడా అవకాశం ఇవ్వాలని రఘునందన్ అభిప్రాయపడ్డారు. ప్రజల ద్వారా నేరుగా ఎన్నికైన ప్రతినిధులుగా ఎంపీలు కూడా ఎమ్మెల్యేల మాదిరిగానే ఉన్నారని, లబ్ధిదారుల ఎంపిక ప్రక్రియలో వారి పాత్ర కూడా ఉండాలని స్పష్టం చేశారు. రాష్ట్రంలోని 17 మంది ఎంపీలకు పార్టీలకు అతీతంగా కోటా వర్తింపజేయాలన్నది ఆయన సూచన. దీని వల్ల లబ్ధిదారుల ఎంపికలో పారదర్శకత, సమానత్వం కలుగుతుందని వివరించారు.

ముఖ్యమంత్రి రేవంత్ రెడ్డి గతంలో ఎంపీగా పనిచేసిన అనుభవం ఉన్నందున, ఎంపీల పాత్రను సమర్థవంతంగా అర్థం చేసుకునే స్థితిలో ఉన్నారని రఘునందన్ లేఖలో పేర్కొన్నారు. ఇందిరమ్మ ఇళ్ల పథకానికి ప్రధాన మంత్రి ఆవాస్ యోజన నిధులను అనుసంధానం చేయడాన్ని ఆయన స్వాగతించారు.

తన అభ్యర్థనపై రాష్ట్ర ప్రభుత్వం సానుకూలంగా స్పందించి, తగిన నిర్ణయం తీసుకుంటుందన్న ఆశాభావాన్ని ఆయన వ్యక్తం చేశారు.

Read More : మల్నాడు కిచెన్ డ్రగ్స్ కేసు – పబ్లు, డాక్టర్ల వరకు డోర్ డెలివరీ!