హైదరాబాద్ హై అలర్ట్ కొనసాగుతోంది. జమ్ము కశ్మీర్లోని పహల్గామ్లో జరిగిన ఉగ్రదాడి నేపథ్యంలో, హైదరాబాద్లో ముమ్మరంగా తనిఖీలు చేపట్టారు. చార్మినార్ ప్రాంతంలో లా అండ్ ఆర్డర్ పోలీసులతో పాటు రాపిడ్ యాక్షన్ ఫోర్స్తో భద్రతా పర్యవేక్షణను కఠినంగా నిర్వహిస్తున్నారు.
మరింతగా, పహల్గామ్ ఉగ్రదాడికి వ్యతిరేకంగా దేశవ్యాప్తంగా నిరసనలు వెల్లువెత్తుతున్నాయి. అమాయకుల ప్రాణాలు తీసిన ఉగ్రవాదులను అశ్రద్ధగా కట్టడి చేయాలని డిమాండ్లు వినిపిస్తున్నాయి. పహల్గామ్ టెర్రరిస్ట్ దాడిలో ప్రాణాలు కోల్పోయిన వారి కుటుంబాలకు న్యాయం చేయాలని దేశవ్యాప్తంగా పలుచోట్ల నిరసనలు జరుగుతున్నాయి. హైదరాబాద్లోని బేగంబజార్ ప్రాంతంలో వ్యాపారస్తులు పహల్గామ్ దాడికి వ్యతిరేకంగా బంద్కు పిలుపునిచ్చారు. ఈ సందర్భంగా, టెర్రరిస్టుల చిత్ర పటాలను దహనం చేసి పాకిస్తాన్కు వ్యతిరేకంగా నినాదాలు చేశారు. భారీ ర్యాలీ నిర్వహించిన వ్యాపారస్తులు, పాకిస్తాన్ చేసే కవ్వింపు చర్యలపై భారత్ భయపడదని స్పష్టం చేశారు. ప్రధాని మోడీకి భారత ప్రజలు పూర్తి అండగా ఉన్నారని తెలిపారు. కాగా, ఈ దాడికి పాల్పడిన వారిపై త్వరలో ప్రతీకారం తీసుకోవడం ఖాయమని నమ్మకంతో ర్యాలీ చేసిన వ్యాపారస్తులు మృతి చెందిన వారి పట్ల శ్రద్ధాంజలి ఘటించారు.
Read More : నల్ల రిబ్బన్లతో నమాజ్, నినాదాలు..
One thought on “హైదరాబాద్ హై అలర్ట్”
Comments are closed.