పవన్ కల్యాణ్ కథానాయకుడిగా నటిస్తున్న చారిత్రక చిత్రం ‘హరిహర వీరమల్లు’ నిర్మాణం చివరి దశకు చేరుకుంది. మెగా సూర్య ప్రొడక్షన్స్ బ్యానర్పై ఎ. దయాకర్ రావు నిర్మిస్తున్న ఈ సినిమాకు క్రిష్ జాగర్లమూడి, జ్యోతి కృష్ణలు దర్శకత్వం వహిస్తున్నారు. ఈ చిత్రానికి సంగీతాన్ని ఆస్కార్ అవార్డు గ్రహీత ఎం.ఎం. కీరవాణి అందిస్తున్నారు. ఇప్పటికే విడుదలైన ప్రచార చిత్రాలు, రెండు పాటలు మంచి స్పందన పొందగా, తాజాగా మూడో పాట ‘అసుర హననం’ను చిత్ర యూనిట్ విడుదల చేసింది.
ఈ పాట విడుదల కార్యక్రమంలో కీరవాణి మాట్లాడుతూ, ఐదేళ్ల క్రితం క్రిష్తో సినిమా ప్రారంభమై, ఇప్పుడు జ్యోతి కృష్ణతో పూర్తవుతోంది అని తెలిపారు. జ్యోతిలో నిర్ణయాలు త్వరగా తీసుకునే గొప్ప లక్షణం ఉందని, సినిమా ఎడిటింగ్, గ్రాఫిక్స్, మ్యూజిక్ వంటి అంశాలన్నింటినీ పర్యవేక్షిస్తూ ఎంతో శ్రమించారని పేర్కొన్నారు. నిర్మాత ఏఎం రత్నం పరిశ్రమలో వివాదాల నుంచి దూరంగా ఉండే వ్యక్తి అని, ఈ సినిమా ఆయనకు పెద్ద విజయం తీసుకురావాలని ఆశిస్తున్నట్లు తెలిపారు.
పవన్ కల్యాణ్ గురించి మాట్లాడుతూ, ఆయనను పవర్ స్టార్ అనడం కన్నా మూర్తీభవించిన ధర్మాగ్రహం అని అనిపించిందని చెప్పారు. సమాజం కోసం కలిగే ఆగ్రహమే ధర్మాగ్రహం అని, గెలుపోటములతో సంబంధం లేకుండా ముందుకు సాగే వ్యక్తి పవన్ కల్యాణ్ అని పేర్కొన్నారు. ఆయనతో మొదటిసారి పని చేస్తున్నందున ప్రత్యేక శ్రద్ధ తీసుకున్నట్లు తెలిపారు.
దర్శకుడు జ్యోతి కృష్ణ మాట్లాడుతూ, పవన్ కల్యాణ్ను డైరెక్ట్ చేయడం ప్రతి దర్శకుడికీ ఓ గొప్ప అవకాశమని అన్నారు. క్రిష్ వేసిన బలమైన పునాదిని ముందుకు తీసుకెళ్లే బాధ్యత తనకు దక్కిందని తెలిపారు. పవన్ కల్యాణ్, రత్నం మెచ్చినందుకు సినిమా ఏ స్థాయిలో ఉండబోతుందో అర్థం చేసుకోవచ్చని పేర్కొన్నారు. ప్రజాసేవ చేస్తూనే సినిమా పట్ల కూడా పవన్ ఎంతో అంకిత భావంతో పని చేస్తున్నారని తెలిపారు.
ఈ చిత్రం జూన్ 12న ప్రపంచవ్యాప్తంగా విడుదల కానుంది. పవన్ కల్యాణ్ అభిమానులు మాత్రమే కాకుండా చారిత్రక సినిమాలను మెచ్చుకునే ప్రేక్షకుల్లో ఈ చిత్రంపై భారీ అంచనాలు నెలకొన్నాయి.
Read More : నటుడు జయం రవి విడాకుల కేసు కొత్త మలుపు
One thought on “కీరవాణి మాటల్లో పవన్ ధర్మాగ్రహం”
Comments are closed.