తెలంగాణ రాష్ట్రంలో తొలిసారిగా గద్దర్ పేరుతో “తెలంగాణ ఫిల్మ్ అవార్డ్స్” నిర్వహించేందుకు రాష్ట్ర ప్రభుత్వం సిద్ధమైంది. ముఖ్యమంత్రి రేవంత్ రెడ్డి సూచనల మేరకు జూన్ 14న హైటెక్స్లో ఈ అవార్డుల వేడుక వైభవంగా నిర్వహించనున్నారు. ఈ కార్యక్రమానికి డిప్యూటీ సీఎం భట్టి విక్రమార్క, మంత్రి కోమటిరెడ్డి వెంకటరెడ్డి, ప్రముఖ నిర్మాత దిల్ రాజు కీలకంగా వ్యవహరిస్తున్నారు.
మంగళవారం నుంచి జ్యూరీ సభ్యులు సినిమాలను పరిశీలించి ఉత్తమ సినిమాలను ఎంపిక చేయనున్నట్లు మంత్రి కోమటిరెడ్డి వెల్లడించారు. గద్దర్ పేరుతో అవార్డులు ఇవ్వడం రాష్ట్రానికి గర్వకారణమని ఆయన తెలిపారు.
డిప్యూటీ సీఎం భట్టి విక్రమార్క మాట్లాడుతూ, ‘‘తెలంగాణ రాష్ట్రం ఏర్పడ్డ తరువాత తొలి సారి రాష్ట్ర స్థాయిలో సినీ అవార్డులు ఇవ్వబోతున్నాం. గత దశాబ్దంలో ఈ రంగానికి ఎలాంటి ప్రోత్సాహం ఇవ్వలేదు. కానీ ఇప్పుడు సీఎం రేవంత్ రెడ్డి నేతృత్వంలో సినిమా పరిశ్రమకు మరింత బలోపేతం చేయాలని కృషి చేస్తున్నాం. గద్దర్ తెలంగాణ సంస్కృతి, భావజాలాన్ని ప్రపంచానికి చాటిచెప్పిన గొప్ప వ్యక్తి. అలాంటి మహానుభావుని పేరుతో అవార్డులు ఇవ్వడం గర్వంగా ఉంది. విమర్శలు ఎంత వచ్చినా గద్దర్ పేరుతోనే అవార్డులు ఇస్తాం,’’ అని స్పష్టం చేశారు.
అవార్డుల ఎంపికను పారదర్శకంగా నిర్వహించాలని, ఉత్తమ సినిమాలను గుర్తించేందుకు జ్యూరీ సభ్యులకు సూచించామని చెప్పారు.
జ్యూరీ చైర్పర్సన్ జయసుధ మాట్లాడుతూ, ‘‘గద్దర్ తెలంగాణ ఫిల్మ్ అవార్డ్స్ జ్యూరీకి తనను చైర్పర్సన్గా ఎంపిక చేసినందుకు సీఎం, డిప్యూటీ సీఎం, మంత్రులు, దిల్ రాజుకు ధన్యవాదాలు తెలుపుతున్నాను. మా జ్యూరీ మెంబర్స్తో కలిసి ఉత్తమ సినిమాలను ఎంపిక చేసి అవార్డులు ఇవ్వడానికి కృషి చేస్తాం,’’ అన్నారు.
అలాగే పోప్ ఫ్రాన్సిస్ మృతి పట్ల భట్టి విక్రమార్క, కోమటిరెడ్డి, దిల్ రాజు, జయసుధ సహా జ్యూరీ సభ్యులు సంతాపం తెలిపారు. ఈ కారణంగా మంగళవారం జరగాల్సిన అవార్డుల లోగో ఆవిష్కరణను వాయిదా వేసినట్లు organizers తెలిపారు. త్వరలోనే ముఖ్యమంత్రి చేతుల మీదుగా గద్దర్ తెలంగాణ ఫిల్మ్ అవార్డ్స్ లోగో ఆవిష్కరణ జరగనుంది.
2 thoughts on “తెలంగాణలో గద్దర్ చలనచిత్ర అవార్డులు జూన్ 14న భారీ స్థాయిలో జరగనున్న వేడుక”
Comments are closed.