ప్రసిద్ధ నటుడు గాబ్రియేల్ లూనా, క్రిస్ ప్రాట్ ప్రధాన పాత్రలో నటిస్తున్న ప్రముఖ సిరీస్ ‘ది టెర్మినల్ లిస్ట్’ రెండో సీజన్లో కీలక పాత్ర పోషించనున్నాడు.
ఈ యాక్షన్ థ్రిల్లర్ సిరీస్ 2022లో విడుదలై, అమెరికా ప్రభుత్వ అధికారుల మధ్య జరిగే ఒక పెద్ద కుట్రను ప్రదర్శించింది. గాబ్రియేల్ లూనా ‘మార్వెల్’ టీవీ సిరీస్ ‘ఏజెంట్స్ ఆఫ్ షీల్డ్’లో గోస్ట్ రైడర్ రాబీ రెయెస్ పాత్రలో ఆకట్టుకున్నాడు. అలాగే, 2019లో విడుదలైన ‘టెర్మినేటర్: డార్క్ ఫేట్’ సినిమాలో ముఖ్యమైన పాత్ర పోషించాడు.
తాజాగా, HBO లో ప్రసారమైన ‘ది లాస్ట్ ఆఫ్ అస’ సిరీస్లో టొమ్మీ పాత్రలో నటించి ప్రేక్షకులను ఆకట్టుకున్నాడు. ఈ పాత్రలో అతను జోయెల్ (పెడ్రో పాస్కల్) సోదరుడిగా, సమానమైన పోరాట నైపుణ్యాలతో కనిపించాడు.
‘ది టెర్మినల్ లిస్ట్’ కథ క్రిస్ ప్రాట్ పోషించిన లెఫ్టినెంట్ కమాండర్ జేమ్స్ రీస్ చుట్టూ తిరుగుతుంది. గూఢచార మిషన్లో తన మొత్తం సీల్ ప్లాటూన్ను కోల్పోయిన అతను, అమెరికా ప్రభుత్వంతో సంబంధాలున్న ఒక గొప్ప కుట్రను గుర్తిస్తాడు. ఆ తర్వాత ఈ కుట్ర వెనుక ఉన్న వారిపై పగతీర్చుకునే క్రమంలో, అతను అబద్ధాల మయాజాలంలో చిక్కుకుంటాడు.
మొదటి సీజన్ విమర్శకుల మనసు దోచుకోలేకపోయినా, ప్రేక్షకుల ఆదరణ పొందింది. ఈ నేపథ్యంలో 2023 ఫిబ్రవరిలో రెండో సీజన్ను అధికారికంగా ప్రకటించారు. క్రిస్ ప్రాట్ తిరిగి ప్రధాన పాత్రలో కనిపించనున్న ఈ సీజన్పై ప్రేక్షకుల్లో భారీ అంచనాలు ఉన్నాయి.
One thought on “గాబ్రియేల్ లూనా ‘ది టెర్మినల్ లిస్ట్’ సీజన్ 2లో చేరిక”
Comments are closed.