బాపట్లలో సీఎం చంద్రబాబు కీలక వ్యాఖ్యలు..

సీఎం చంద్రబాబు నాయుడు బాపట్ల జిల్లాలో పర్యటించిన సందర్భంగా కీలక వ్యాఖ్యలు చేశారు. బాపట్లలోని కొత్తగొల్లపాలెంలో పెన్షన్ల పంపిణీ కార్యక్రమంలో పాల్గొన్న ఆయన, లబ్ధిదారుల ఇళ్లకు వెళ్లి వారి సమస్యలను అడిగి తెలుసుకున్నారు. అనంతరం ప్రజావేదిక సభలో మాట్లాడిన చంద్రబాబు, “ప్రజలే ముందు, ఆ తర్వాతే మిగతా పనులు” అని స్పష్టం చేశారు.

అమరావతి అభివృద్ధి వేగంగా జరుగుతోందని, విశాఖ ఉక్కు పరిశ్రమకు రూ. 11 వేల కోట్లు సమకూర్చినట్లు తెలిపారు. అలాగే విశాఖకు రైల్వే జోన్ వస్తుందని ప్రకటించారు. “ఈనెలలోనే డీఎస్సీ పూర్తి చేసి జూన్‌లో టీచర్ల నియామకాలు చేపడతాం,” అని సీఎం పేర్కొన్నారు.

తమకు వ్యతిరేకంగా విమర్శలు చేస్తున్న వారికి “కళ్లు తెరిచి చూడాలని” ఆయన సూచించారు. 2027లో పోలవరం పూర్తయ్యి, నదులు అనుసంధానం చేస్తామని వెల్లడించారు.

అమరావతిలో నిర్మాణాలు వేగంగా సాగుతున్నాయి, అలాగే గ్రామీణ ప్రాంతాల్లో ప్రజలకు సెంట్ల పంపిణీ చేస్తామని చెప్పారు. “ఇళ్ల లేని ప్రతి ఒక్కరికీ ఐదేళ్లలో ఇళ్లు కట్టిస్తాము” అని చంద్రబాబు స్పష్టం చేశారు.

అంతేకాకుండా, మే, జూన్ నెలల్లో మత్స్యకారులకు రూ. 20 వేలు ఇవ్వనున్నట్లు, మరియు రైతుల పంటలకు గిట్టుబాటు ధర ఇస్తామని చెప్పారు.

అంబేద్కర్‌ గురించి మాట్లాడుతూ, “అతడు రాజ్యాంగం రాసే స్థాయికి ఎదిగాడు” అని ఆయన ప్రశంసించారు.

ఈ వ్యాఖ్యల ద్వారా సీఎం చంద్రబాబు రాష్ట్ర అభివృద్ధి, సంక్షేమ కార్యక్రమాల పై దృష్టి సారించారు.

Read More : నారా లోకేశ్ హామీ మేరకు మంగళగిరి పేద ప్రజల కల నెరవేరబోతోంది…