కేలిఫోర్నియాకు చెందిన ఒక ఏవియేషన్ స్టార్టప్ ప్రపంచ ప్రథమ ఎలక్ట్రిక్ ఫ్లయింగ్ కార్ను ఆవిష్కరించింది. దాదాపు రూ.2.5 కోట్ల విలువ కలిగిన ఈ విప్లవాత్మక వాహనం ట్రాఫిక్ పైగా తేలియాడుతూ ప్రయాణించేలా రూపొందించబడింది. తాజాగా విడుదలైన వీడియోలో, ఈ ఎలక్ట్రిక్ ఫ్లయింగ్ కార్ ట్రాఫిక్లో ఎలాంటి అంతరాయాలు లేకుండా గాల్లో ప్రయాణిస్తున్న అద్భుత దృశ్యాలు కనువిందు చేశాయి. విమానం మాదిరిగా పైకి లేచి, మెల్లగా ముందుకు సాగుతూ, అత్యాధునిక టెక్నాలజీని ప్రదర్శించిన ఈ వాహనం, భవిష్యత్ లో ట్రాఫిక్ సమస్యలకు పరిష్కారమవుతుందని పరిశ్రమ వర్గాలు భావిస్తున్నాయి.
ఈ వినూత్నమైన ఫ్లయింగ్ కార్ను రూపొందించిన స్టార్టప్ సంస్థ, శాస్త్రసాంకేతిక రంగంలో ఇది ఓ గొప్ప ముందడుగుగా అభివర్ణించింది. గాలి మార్గంలో స్వేచ్ఛగా ప్రయాణించేందుకు ఇది ప్రత్యేకంగా రూపొందించబడిందని, రాబోయే రోజుల్లో నగర ప్రయాణంలో విప్లవాత్మక మార్పును తీసుకురావొచ్చని నిపుణులు అభిప్రాయపడుతున్నారు. ఇప్పటికే ఈ కారు వినియోగంపై అనేక చర్చలు జరుగుతున్నాయి. భవిష్యత్తులో ఈ ప్రాజెక్ట్ వాణిజ్య పరంగా ఎంతగా విజయవంతమవుతుందో చూడాల్సి ఉంది.
One thought on “ట్రాఫిక్పై తేలియాడే గాలి వాహనం”
Comments are closed.