ఒకప్పుడు సౌత్ ఇండస్ట్రీ టెక్నికల్ గుణాలు బాలీవుడ్ నుంచి నేర్చుకునే పరిస్థితి ఉండేది. కానీ ఇప్పుడు బాలీవుడ్ సినిమాలు తీవ్ర ఒడిదొడుకుల్లో ఉన్నాయి. భారీ బడ్జెట్ సినిమాలు ఫ్లాప్ అవుతుండగా, పుష్ప 2 వంటి సౌత్ సినిమాలు నార్త్లో భారీ వసూళ్లు రాబడుతున్నాయి. ఈ నేపథ్యంలో బాలీవుడ్ మరోసారి సౌత్ రీమేక్లపై ఆశలు పెట్టుకుంది.
ఇప్పటివరకు ‘అర్జున్ రెడ్డి’ తరహాలో కొన్ని సౌత్ రీమేక్లు బాలీవుడ్లో సక్సెస్ సాధించాయి. అయితే బాలీవుడ్లో విడుదలవుతున్న సినిమాలలో ఎక్కువ శాతం బాక్సాఫీస్ వద్ద నిరాశపరుస్తున్నాయి. ఇప్పుడు మళ్లీ మలయాళ హిట్ ‘ఒప్పం’ను బాలీవుడ్లో రీమేక్ చేయడానికి ప్లాన్ చేస్తున్నారు.
సీనియర్ నటుడు సైఫ్ అలీ ఖాన్ ఈ రీమేక్లో ప్రధాన పాత్రలో నటించబోతున్నాడు. మోహన్ లాల్ నటించిన అంధుడి పాత్రను సైఫ్ పోషించబోతున్నాడు. సైఫ్ నటనకు ఆస్కారం ఉన్నా, సినిమా కమర్షియల్గా ఎంత వరకు నిలుస్తుందో చూడాల్సి ఉంది.
ప్రియదర్శన్ దర్శకత్వం వహించిన ‘ఒప్పం’ మలయాళంలో మోస్తరు విజయాన్ని అందుకుంది. ఇప్పుడు అదే దర్శకుడు హిందీలో రీమేక్ చేయబోతున్నాడు. గుడ్డివాడైన హీరో కథ ఆధారంగా రూపొందిన ఈ సినిమాను బాలీవుడ్ ప్రేక్షకులు ఎలా స్వీకరిస్తారో వేచి చూడాలి.
One thought on “బాలీవుడ్లో సౌత్ రీమేక్ల హవా!”
Comments are closed.