భారత రక్షణ బలగాలకు శక్తినిచ్చే దిశగా మరో కీలక ముందడుగు పడింది. అమెరికా నుంచి భారత్కు వచ్చిన అపాచీ యుద్ధ హెలికాప్టర్ల విడిభాగాలు హిందన్ ఎయిర్ బేస్కు చేరుకున్నాయి. అత్యాధునిక సాంకేతికతతో రూపొందిన ఈ హెలికాప్టర్లు భద్రతా పరంగా భారత సైన్యానికి భారీ స్థాయిలో మద్దతుగా నిలవనున్నాయి. ప్రస్తుతం హిందన్లో ఈ విడిభాగాలతో అపాచీ హెలికాప్టర్లను అసెంబుల్ చేసే పనులు వేగంగా కొనసాగుతున్నాయి. అతి త్వరలోనే ఈ హెలికాప్టర్లను పూర్తిగా సిద్ధం చేసి, ఇండియన్ ఆర్మీలో ప్రవేశపెట్టే అవకాశం ఉందని రక్షణ వర్గాలు పేర్కొన్నాయి.
అపాచీ AH-64E హెలికాప్టర్లు నైపుణ్యంతో కూడిన గగనయాన యంత్రాలు. శత్రు స్థావరాలపై శీఘ్రంగా దాడిచేసే సామర్థ్యం ఉన్న వీటిని ఇప్పటికే ఇండియన్ ఎయిర్ ఫోర్స్ వినియోగిస్తోంది. ఇప్పుడు ఆర్మీ కూడా ఈ హెలికాప్టర్లను పొందడం ద్వారా హెలికాప్టర్ విభాగంలో తన సామర్థ్యాన్ని మరింత పెంచుకోనుంది.
ఈ అపాచీల సాయంతో భారత భద్రతా బలగాలు శత్రువులపై మరింత ప్రభావవంతంగా స్పందించగలవు. టెక్నాలజీ, వేగం, నిశితమైన దాడి సామర్థ్యాలతో అపాచీలు ఆధునిక యుద్ధ రంగంలో కీలక పాత్ర పోషించనున్నాయి.
Read More : ఉపరాష్ట్రపతి పదవికి ధన్ఖడ్ రాజీనామా… ప్రధాని మోదీ స్పందన
One thought on “త్వరలో ఇండియన్ ఆర్మీలో చేరనున్న సమర్థవంతమైన యుద్ధ యంత్రాలు..?”
Comments are closed.