హైదరాబాద్ అంబర్పేటలో అనైతిక కార్యకలాపాలపై టాస్క్ఫోర్స్ పోలీసులు కీలకంగా దాడి చేసి ఓ దంపతులను అరెస్ట్ చేశారు. ఆన్లైన్ వేదికగా నగ్న వీడియోలు చిత్రీకరించి, వాటిని విక్రయిస్తున్న చట్టవిరుద్ధ దందా వెలుగులోకి వచ్చింది. ఈ ఘటన స్థానికంగా తీవ్ర కలకలం రేపింది.
పోలీసుల సమాచారం ప్రకారం, అంబర్పేటకు చెందిన ఓ యువ దంపతులు తమ సొంతంగా నగ్న వీడియోలను రూపొందించి, డబ్బు చెల్లించే వినియోగదారులకు ప్రత్యేక లింకుల ద్వారా స్ట్రీమింగ్ చేస్తూ ఉండేవారని గుర్తించారు. ఇది బహిరంగంగా ప్రచారం కాకపోయినా, టాస్క్ఫోర్స్కు వచ్చిన పక్కా సమాచారం ఆధారంగా గురువారం నిర్వహించిన దాడిలో వారు పట్టుబడ్డారు.
ఈ సందర్భంగా స్ట్రీమింగ్కు ఉపయోగించిన కెమెరాలు, లైవ్ ప్రసార పరికరాలు, ఇతర డిజిటల్ గ్యాడ్జెట్లు స్వాధీనం చేసుకున్నారు. నిందితులను అదుపులోకి తీసుకున్న పోలీసులు వారి నుంచి పూర్తి వివరాలను రాబట్టే ప్రయత్నంలో ఉన్నారు. ఈ దందా వెనుక మరెవరైనా ఉన్నారా? ఎంత కాలంగా ఇది కొనసాగుతోంది? అనే కోణాల్లో దర్యాప్తు కొనసాగుతోంది. ఈ ఘటనపై హైదరాబాద్ పోలీస్ విభాగం ప్రజలకు హెచ్చరిక జారీ చేస్తూ… చట్టవిరుద్ధంగా అశ్లీల కంటెంట్ను ఉత్పత్తి చేయడం, పంపిణీ చేయడం తీవ్ర నేరమని స్పష్టం చేసింది.
Read More : గోల్కొండ బోనాల వేడుకల్లో పాల్గొన్న కవిత, విజయశాంతి
One thought on “అశ్లీల వీడియోల స్ట్రీమింగ్ దంపతుల అరెస్ట్”
Comments are closed.