అహ్మదాబాద్లో ఇటీవల జరిగిన ఎయిర్ ఇండియా ఏఐ-171 విమాన ప్రమాదం దేశవ్యాప్తంగా తీవ్ర దిగ్భ్రాంతిని కలిగించింది. దేశంలో జరిగిన ప్రముఖ విమాన ప్రమాదాల్లో ఒకటిగా నిలిచిన ఈ ఘోర దుర్ఘటనపై సమగ్ర దర్యాప్తు నిర్వహించేందుకు భారత ప్రభుత్వం ఇప్పటికే ఒక ఉన్నతస్థాయి కమిటీని ఏర్పాటు చేసింది. ఈ సంఘటనకు దారితీసిన అసలు కారణాలు, తప్పిదాల వివరాలను వెలికితీసి, భవిష్యత్తులో ఇలాంటి ప్రమాదాలు పునరావృతం కాకుండా నిరోధించడమే ఈ కమిటీ ప్రధాన లక్ష్యంగా పని చేయనుంది.
ఈ ప్రత్యేక దర్యాప్తు బృందంలో ఎయిర్క్రాఫ్ట్ యాక్సిడెంట్ ఇన్వెస్టిగేషన్ బ్యూరో (AAIB)కి చెందిన సీనియర్ అధికారులు, ఇతర సంబంధిత కేంద్ర సంస్థల ప్రతినిధులు సభ్యులుగా ఉంటారు. అంతర్జాతీయ నిపుణుల సాయంతో ఈ బృందం విచారణను ముందుకు తీసుకెళ్లనుంది. రాబోయే కొన్ని వారాల్లో ప్రాథమిక దర్యాప్తు నివేదికను సమర్పించే అవకాశం ఉన్నట్టు సమాచారం.
ఈ దర్యాప్తులో అత్యంత కీలకంగా భావిస్తున్న విమాన బ్లాక్ బాక్స్లను ఇప్పటికే స్వాధీనం చేసుకున్నారు. వీటిలో ఒకటి స్వల్పంగా దెబ్బతిన్నప్పటికీ, ఆ సమాచారాన్ని రికవర్ చేయడానికి నిపుణులు సాంకేతిక ప్రయత్నాలు ప్రారంభించారు. ప్రమాదానికి ముందు విమానంలో జరిగిన పరిణామాల వరుసను అర్థం చేసుకోవడంలో బ్లాక్ బాక్స్ డేటా కీలకంగా మారనుంది. సాంకేతిక లోపాలు, రెక్కల ఫ్లాప్ సెట్టింగ్లు, డేటా ఇన్పుట్ పొరపాట్లు, వాతావరణ ప్రభావం వంటి అనేక కోణాల్లో విచారణ సాగుతోంది.
ఈ దర్యాప్తులో అంతర్జాతీయ సహకారం కూడాకి కీలక పాత్ర పోషిస్తోంది. అమెరికాకు చెందిన నేషనల్ ట్రాన్స్పోర్టేషన్ సేఫ్టీ బోర్డ్ (NTSB) నిపుణులు ఇప్పటికే భారత అధికారులతో కలిసి ఆధారాలను విశ్లేషించేందుకు సిద్ధమయ్యారు. అంతర్జాతీయ విమానయాన నిబంధనల ప్రకారం కెనడా ట్రాన్స్పోర్టేషన్ సేఫ్టీ బోర్డ్ (TSB) కూడా ఒక నిపుణుడిని నియమించి దర్యాప్తును సమీక్షిస్తోంది.
Read More : తమిళనాడులో రుణాల రికవరీ దౌర్జన్యాలకు చెక్
One thought on “AI-171 ప్రమాదంపై కేంద్రం సమగ్ర దర్యాప్తు కమిటీ ఏర్పాటు”
Comments are closed.