ముంబై క్రికెట్ అసోసియేషన్ (MCA) మరో కీలక నిర్ణయం తీసుకుంది. ప్రముఖ భారత క్రికెట్ దిగ్గజం సునీల్ గవాస్కర్ విగ్రహాన్ని వాంఖడే స్టేడియంలో నిర్మించనున్నట్లు ప్రకటించింది. ఈ విగ్రహాన్ని ప్రత్యేకంగా రూపొందించిన మ్యూజియం ప్రవేశద్వారం వద్ద ఏర్పాటు చేయనున్నారు. ఇప్పటికే ఈ మ్యూజియంలో భారత క్రికెట్ లెజెండ్ సచిన్ టెండూల్కర్ విగ్రహాన్ని ఏర్పాటు చేసిన విషయం తెలిసిందే.
ఈ మ్యూజియం నిర్మాణం పూర్తికాగానే, దేశ క్రికెట్ చరిత్రలో నిలిచిపోయిన ఆటగాళ్లకు ప్రత్యేక గౌరవం ఇచ్చే కేంద్రంగా ఇది మారనుందని MCA భావిస్తోంది. సునీల్ గవాస్కర్ కృషి, ఆయన క్రికెట్లో సాధించిన అద్భుత విజయాలను గుర్తు చేసేలా ఈ విగ్రహం నిలవనుందని MCA అధికారులు తెలిపారు.
వాంఖడే స్టేడియం ఇప్పటికే అనేక చారిత్రాత్మక మ్యాచ్లకు వేదికైనందున, ఈ మ్యూజియం క్రికెట్ అభిమానులకు మరో ప్రత్యేక ఆకర్షణగా మారనుంది.
Read More : 2019 వరల్డ్కప్ ఓటమి తర్వాత బాత్రూంలో ఏడ్చిన కోహ్లీ
One thought on “వాంఖడేలో సునీల్ గవాస్కర్ విగ్రహం ఏర్పాటు”
Comments are closed.