రాజేంద్ర చోళ స్మారక నాణెం విడుదల

ప్రధాన మంత్రి నరేంద్ర మోదీ చోళ సామ్రాజ్య చక్రవర్తి రాజేంద్ర చోళ–1 గౌరవార్థంగా ₹1,000 విలువైన స్మారక నాణెం విడుదల చేశారు. 11వ శతాబ్దంలో చోళ సామ్రాజ్యాన్ని శిఖరాగ్రానికి చేర్చిన మహారాజు రాజేంద్ర చోళ 1,000 సంవత్సరాల క్రితం చేపట్టిన విశ్వ విఖ్యాత నౌకాదళ యాత్రను స్మరించుకోవడమే ఈ కార్యక్రమం ముఖ్య ఉద్దేశ్యం.

రాజేంద్ర చోళ అద్భుతమైన పరిపాలనతో పాటు సముద్ర శక్తిని విస్తరించి, భారతదేశాన్ని ప్రపంచ సముద్ర వాణిజ్యంలో అగ్రస్థానంలో నిలిపారని ప్రధాని మోదీ పేర్కొన్నారు. భారతీయ చరిత్రలో ఆయన కృషి అపూర్వమని, ఈ నాణెం ఆయన ఘనతకు శాశ్వత చిహ్నంగా నిలుస్తుందని అన్నారు.

ఈ కార్యక్రమంలో చోళుల వారసత్వాన్ని ప్రతిబింబించే పలు సాంస్కృతిక కార్యక్రమాలు కూడా నిర్వహించారు. ఈ నాణెం విడుదలతో రాజేంద్ర చోళ సముద్ర శక్తి, పరిపాలనా నైపుణ్యం, సాంస్కృతిక వారసత్వాన్ని కొత్త తరాలకు పరిచయం చేయడమే లక్ష్యమని కేంద్ర ప్రభుత్వం ప్రకటించింది.

Read More : Trump : భారీ నష్టాలతో ముగిసిన భారత స్టాక్ మార్కెట్లు