ఇండోర్ హనీమూన్ హత్య కేసులో కీలక మలుపు

దేశవ్యాప్తంగా తీవ్ర సంచలనం సృష్టించిన ఇండోర్ జంట హనీమూన్ హత్యకేసులో కీలక పరిణామం చోటుచేసుకుంది. భర్త రాజా రఘువంశీని హనీమూన్ కోసం వెళ్లిన చోటే దారుణంగా హత్య చేసిన భార్య సోనమ్‌కు సంబంధించిన కీలక ఆధారాలను పోలీసులు స్వాధీనం చేసుకున్నారు. మేఘాలయ సిట్ బృందం, మధ్యప్రదేశ్‌లోని రత్లాంలో దాడి నిర్వహించి ఈ ఆధారాలను రికవరీ చేసింది.

వివరాల్లోకి వెళితే…
ఇండోర్‌కు చెందిన రాజా రఘువంశీ, అతని భార్య సోనమ్ ఇటీవల హనీమూన్ కోసం మేఘాలయ వెళ్లారు. అక్కడ సోనమ్ తన ముగ్గురు స్నేహితులతో కలిసి భర్తను హత్య చేసినట్లు దర్యాప్తులో వెల్లడైంది. మొదటిరోజుల్లో వీరిద్దరూ గల్లంతయ్యారని కేసు నమోదు కాగా, విచారణలో ఇది పథకపూరిత హత్యగా తేలింది.

విశ్లేషణలో కీలక breakthrough
ఈ కేసును విచారిస్తున్న మేఘాలయ ఎస్‌ఐటీ బృందం మధ్యప్రదేశ్‌లోని ఇండోర్‌లో దర్యాప్తును వేగవంతం చేసింది. ఇందులో భాగంగా ప్రాపర్టీ డీలర్ సిలోమ్ జేమ్స్‌పై అనుమానం పెరిగింది. హత్య అనంతరం నిందితుల్లో ఒకడు విశాల్ సింగ్ చౌహాన్, జేమ్స్ అద్దెకు ఇచ్చిన ఇంట్లో తలదాచుకున్నాడు. ప్రధాన నిందితురాలు సోనమ్ కూడా మే 26 నుంచి జూన్ 8 వరకు అదే ఇంట్లో ఉండినట్లు విచారణలో తేలింది.

జేమ్స్ ఒప్పుకున్న వాస్తవాలు
పోలీసుల విచారణలో జేమ్స్ అసలు నిజాన్ని ఒప్పుకున్నాడు. హత్య జరిగిన తరువాత సోనమ్ వద్ద నుంచి తీసుకున్న నగలు, మృతుడి ల్యాప్‌టాప్, పెన్‌డ్రైవ్ వంటి వస్తువులను తన అత్తింటి రత్లాంలో దాచినట్లు వెల్లడించాడు. అతని సమాచారంతో సిట్ బృందం అక్కడ దాడి చేసి, ఆభరణాలు, డిజిటల్ పరికరాలు, నగదు, కేసుకు సంబంధించిన పత్రాలను స్వాధీనం చేసుకుంది.

ఇతరుల అరెస్టు
ఈ కేసులో ఇప్పటివరకు జేమ్స్‌తో పాటు ఫ్లాట్ యజమాని లోకేంద్ర తోమర్, సెక్యూరిటీ గార్డ్ బల్వీర్‌ను కూడా పోలీసులు అదుపులోకి తీసుకున్నారు.

ఈ హత్యకేసు రోజుకో మలుపు తిరుగుతోంది. దర్యాప్తు అధికారులు ఆధారాల ఆధారంగా మరింత లోతుగా కేసును పరిశీలిస్తున్నారు.