పహల్గాం ఉగ్రదాడి తరువాత భారత్-పాకిస్తాన్ మధ్య ఉద్రిక్తతలు కొనసాగుతున్న నేపథ్యంలో, రష్యా అధ్యక్షుడు వ్లాదిమిర్ పుతిన్ కీలక ప్రకటన చేశారు. భారత ప్రధానమంత్రి నరేంద్ర మోదీకి ఫోన్ చేసి, ఈ సంక్షోభ సమయాల్లో భారత్కు తాము పూర్తిగా అండగా ఉంటామని స్పష్టం చేశారు. ఉగ్రవాదాన్ని అణచివేయడంలో భారత్ తీసుకుంటున్న చర్యలకు రష్యా మద్దతు ప్రకటించింది.
పుతిన్ వ్యాఖ్యలు తీవ్ర ప్రాధాన్యత సంతరించుకున్నాయి. ఇటీవల కశ్మీర్లోని పహల్గాం ప్రాంతంలో జరిగిన ఉగ్రదాడిలో భారత భద్రతా సిబ్బంది ప్రాణాలు కోల్పోయిన ఘటన దేశవ్యాప్తంగా ఆవేదన రేపింది. ఈ దాడి అనంతరం భారత దేశవ్యాప్తంగా పాక్పై తీవ్ర వ్యతిరేకత వ్యక్తమవుతుండగా, అంతర్జాతీయంగా భారత పాలనకు మద్దతు వ్యక్తమవుతుంది.
ఈ పరిణామాల నేపథ్యంలో పుతిన్ చేసిన ఫోన్ కాల్, భారత్కు మిత్ర దేశాల మద్దతు స్థిరంగా ఉన్నదనే సంకేతాన్ని ఇస్తోంది. ఉగ్రవాదంపై పోరాటంలో భారత్ ఒంటరిపాలవదని రష్యా సంకేతం ఇచ్చింది. పుతిన్ తో జరిగిన ఈ సంభాషణలో మోదీ పుతిన్కు ధన్యవాదాలు తెలిపారు. భారత్-రష్యా మధ్య సుదీర్ఘ స్నేహ బంధానికి ఇది మరో ఉదాహరణగా నిలిచింది.
ద్వైపాక్షిక సంబంధాల బలోపేతం, ప్రాంతీయ భద్రతా అంశాలపై ఇద్దరు నేతలు చర్చించినట్లు అధికార వర్గాలు వెల్లడించాయి. అంతేకాదు, అంతర్జాతీయ రాజకీయాల్లో భారత దేశ స్థిరత, భద్రతకు అవసరమైన మద్దతును అందించేందుకు రష్యా తాహతుగా ఉందని పుతిన్ హామీ ఇచ్చారు.
ఇదే సమయంలో, పుతిన్ ఈ సందర్భంగా పహల్గాం ఉగ్రదాడిలో ప్రాణాలు కోల్పోయిన భారత జవాన్లకు సంతాపం తెలియజేశారు. ఈ ఉగ్రదాడిని తీవ్రంగా ఖండించిన ఆయన, ఉగ్రవాదం ప్రపంచ శాంతి స్థిరత్వానికి ప్రమాదకరమని, దాని వ్యతిరేకంగా పోరాటం జరగాల్సిన అవసరం ఉందని తెలిపారు.
ఇలాంటి విపత్కర పరిస్థితుల్లో మిత్ర దేశాల మద్దతు భారత్కు బలాన్ని ఇస్తోంది. పుతిన్ ఫోన్ కాల్, రష్యా మద్దతు భారత్కు మానసికంగా మరింత ధైర్యాన్ని అందిస్తోంది.
Read More : ఆస్ట్రేలియాలో లేబర్ పార్టీ అఖండ విజయం
One thought on “పహల్గాం ఉగ్రదాడి తర్వాత ప్రధాని మోదీకి పుతిన్ ఫోన్ కాల్..”
Comments are closed.