సిద్దిపేట జిల్లా చేర్యాల మండలం వేచరేణి గ్రామంలో మానవత్వాన్ని మంటగలిపే ఘటన ఆలస్యంగా వెలుగులోకి వచ్చింది. మతిస్థిమితం లేని దళిత యువకుడు అజయ్ కుమార్ గుడిలోకి ప్రవేశించాడనే కారణంతో అతనిపై కరడుగట్టిన వ్యక్తులు దాడికి దిగారు.
స్థానిక సమాచారం ప్రకారం, దళిత యువకుడిని గుడి గోడకు కట్టేసి నగ్నంగా ఊరేగిస్తూ దాడి చేసినట్లు తెలుస్తోంది. ఈ దారుణ ఘటనకు సంబంధించి ఆర్ఎస్ఎస్, బీజేపీ, భజరంగ్ దళ్, విశ్వహిందూ పరిషత్కి చెందిన కొందరు నాయకులే ఈ చర్యలకు పాల్పడ్డారని బాధిత కుటుంబ సభ్యులు ఆరోపించారు.
ఈ ఘటన మూడు రోజుల క్రితం జరిగినప్పటికీ, ప్రస్తుతం వీడియోలు బయటకు రావడంతో పర్యవేక్షకుల దృష్టికి చేరింది. దళిత యువకుడిపై ఇంతటి నీచ చర్యలకు పాల్పడ్డ వారిపై కఠిన చర్యలు తీసుకోవాలని మానవ హక్కుల కార్యకర్తలు డిమాండ్ చేస్తున్నారు.
ఈ దారుణంపై ప్రభుత్వం, పోలీసు శాఖ వెంటనే స్పందించి దర్యాప్తు జరిపి బాధ్యులపై చర్యలు తీసుకోవాలన్న దిశగా ప్రజల్లో ఆగ్రహం వ్యక్తమవుతోంది.
Read More : నంద్యాల జిల్లాలో ఘోర రోడ్డు ప్రమాదం
One thought on “సిద్దిపేట జిల్లా దళిత యువకుడిపై దారుణ ఘటన”
Comments are closed.