ఇండియన్ సినిమా లో సోలో లేడీ పోలీస్ ఫ్రాంచైజీల్లో ప్రత్యేకమైన గుర్తింపు తెచ్చుకున్న మర్దానీ సిరీస్, ఇప్పుడు మూడో భాగంతో ప్రేక్షకులను మళ్ళీ అలరించేందుకు సిద్ధమవుతోంది. దాదాపు పదేళ్ల క్రితం ప్రారంభమైన ఈ సిరీస్లో రాణీ ముఖర్జీ పోషించిన శివాని శివాజీ రాయ్ పాత్ర ప్రేక్షకుల మదిలో ప్రత్యేక స్థానం సంపాదించుకుంది. ఇప్పుడు ఆమె మళ్లీ అదే పాత్రలో తిరిగి వస్తుండటంతో అభిమానుల్లో మంచి ఉత్సాహం నెలకొంది.
యష్ రాజ్ ఫిల్మ్స్ నిర్మిస్తున్న మర్దానీ 3 సినిమా విడుదల తేదీని అధికారికంగా ప్రకటించారు. ఈ చిత్రాన్ని 2026 ఫిబ్రవరి 27న రిలీజ్ చేయనున్నారు. ఇదే సమయంలో హోళీ పండగ కూడా ఉండటంతో, మంచి vs చెడు అనే థీమ్ స్పష్టంగా ఉన్నట్టు అంచనా వేయవచ్చు. ఇప్పటికే విడుదలైన ఫస్ట్ లుక్ లో గన్ పట్టుకుని యాక్షన్ మూడ్లో కనిపించిన రాణీ ముఖర్జీ, అభిమానుల్లో మరింత బజ్ పెంచింది.
మేకర్స్ వెల్లడించిన సమాచారం ప్రకారం, మర్దానీ 3 హై వోల్టేజ్ యాక్షన్ థ్రిల్లర్గా రూపొందుతోంది. శివాని పాత్ర ఈసారి మరింత పవర్ఫుల్గా ఉండబోతోందని, శత్రువులపై ఆమె పోరాటం మరింత ఇంటెన్స్ గా చూపించబోతున్నారని తెలుస్తోంది. ఈ సిరీస్కి మొదటి రెండు భాగాల్లో క్రిటికల్ మరియు కమర్షియల్ సక్సెస్ లభించిన నేపథ్యంలో, మూడో భాగంపై భారీ అంచనాలు నెలకొన్నాయి.
ఇప్పటికే విడుదలైన పోస్టర్కు మంచి స్పందన లభించడంతో పాటు, సినీ విశ్లేషకులు కూడా మర్దానీ 3పై ఆసక్తిగా ఎదురు చూస్తున్నారు. లేడీ ఓరియెంటెడ్ సినిమాలకు మంచి ఆదరణ ఉన్న ఈ సమయంలో, రాణీ ముఖర్జీ పవర్ఫుల్ పెర్ఫార్మెన్స్తో ఈ చిత్రం మరోసారి బాక్సాఫీస్ వద్ద విజయం సాధించేందుకు సిద్ధమవుతోంది.
One thought on “హై వోల్టేజ్ యాక్షన్తో మర్దానీ 3”
Comments are closed.