బుల్లితెరపై అత్యధిక ప్రేక్షకాదరణ పొందిన రియాలిటీ షో ‘బిగ్ బాస్’ ఇప్పుడు తొమ్మిదో సీజన్కు రెడీ అవుతోంది. ఇప్పటికే ఎనిమిది సీజన్లు విజయవంతంగా పూర్తిచేసిన ఈ షో గురించి ఎన్నో ఊహాగానాలు వెలువడుతున్నాయి. ముఖ్యంగా ఈసారి షో ఆరంభ తేదీపై వచ్చిన వార్తలు నిజం కాదని స్పష్టమైంది. ఎప్పటిలానే సెప్టెంబర్ నెలలోనే ఈ సీజన్ ప్రారంభం కానుంది. బిగ్ బాస్ తెలుగు మొదటి సీజన్ను ఎన్టీఆర్ హోస్ట్ చేయగా, తర్వాతి సీజన్ నాని చేయడం, మూడో సీజన్ నుంచి నాగార్జున హోస్ట్ చేయడం తెలిసిందే.
తన స్టైల్, గ్లామర్తో బిగ్ బాస్ను నాగార్జున కొత్త స్థాయికి తీసుకెళ్లారు. ఆయన హోస్టింగ్కు ప్రేక్షకుల నుంచి మంచి స్పందన లభించింది. ఈ నేపథ్యంలో వరుసగా ఎనిమిది సీజన్లను నాగార్జునే హోస్ట్ చేశారు. అయితే తాజాగా మేకర్స్ కొత్త మార్పు చేయాలని భావిస్తున్నట్టు సమాచారం. నాగార్జున ప్రస్తుతం సినిమాలతో బిజీగా ఉండటంతో, బిగ్ బాస్ హోస్టింగ్కు ఆసక్తి చూపడం లేదని తెలుస్తోంది.
ఈ నేపథ్యంలో బిగ్ బాస్ 9వ సీజన్కు నందమూరి బాలకృష్ణ హోస్ట్గా రావచ్చన్న వార్తలు జోరుగా చక్కర్లు కొడుతున్నాయి. ‘అన్స్టాపబుల్’ అనే షోతో బాలయ్య హోస్టింగ్లో తన సత్తా చాటాడు. ఇప్పుడు అదే ఎనర్జీతో బిగ్ బాస్ను హోస్ట్ చేస్తే షోకి మరో లెవెల్ హైప్ వచ్చే అవకాశముంది. బాలయ్య పంచ్లు, టెంపర్, స్పాంటేనియస్ స్పందనలు బిగ్ బాస్ వేదికను మరింత ఆసక్తికరంగా మార్చే అవకాశముంది. ఈ వార్తలపై అధికారిక ప్రకటన వెలువడితే మరిన్ని స్పష్టతలు వచ్చే అవకాశం ఉంది.
One thought on “నాగార్జున ఔట్.. బాలయ్య ఇన్? బిగ్ బాస్ 9కు షాకింగ్ టర్న్”
Comments are closed.