ప్రముఖ టాలీవుడ్ నటి సంజనా గల్రానీ మరోసారి తల్లిగా అవతరించబోతున్నట్లు ప్రకటించింది. ఉగాది సందర్భంగా తన బేబీ బంప్ ఫొటోలను సోషల్ మీడియాలో పంచుకుంటూ, ఈ సంతోషకర వార్తను అభిమానులతో షేర్ చేసుకుంది. గతంలో పలు తెలుగు చిత్రాల్లో హీరోయినగా, సెకండ్ లీడ్ గా, నెగెటివ్ రోల్స్ లో మెప్పించిన సంజనా, ప్రభాస్ బుజ్జిగాడు, రాజశేఖర్ సత్యమేవ జయతే, శ్రీకాంత్ దుశ్శాసన, అవును 2, సర్దార్ గబ్బర్ సింగ్ వంటి చిత్రాల్లో తన ప్రత్యేకతను చూపింది.
సంజనా గల్రానీ 2005లో తరుణ్ హీరోగా నటించిన “సోగ్గాడు” చిత్రంతో సినీ ఇండస్ట్రీలో అడుగుపెట్టింది. ఆ తర్వాత ప్రభాస్తో కలిసి చేసిన “బుజ్జిగాడు” మూవీతో మంచి గుర్తింపు తెచ్చుకుంది. కన్నడ సినిమా “దండుపాళ్యం”లో నెగెటివ్ రోల్ లో అద్భుతంగా నటించి ప్రేక్షకులను ఆకట్టుకుంది. ఈ నేపథ్యంలో సంజనా వ్యక్తిగత జీవితంలో వివాహం చేసుకుని, ఇప్పటికే ఒక బిడ్డకు తల్లిగా నిలిచింది. ఇప్పుడు మరోసారి తల్లిగా ప్రమోషన్ పొందనుంది.
ఇటీవల కాలంలో టాలీవుడ్లో తనకంటూ ప్రత్యేక గుర్తింపు తెచ్చుకున్న ఈ అందాల తార, కొన్ని వివాదాలతోనూ వార్తల్లో నిలిచింది. డ్రగ్స్ కేసులో చిక్కుకోవడం, జైలు శిక్ష అనుభవించడం వంటి సమస్యలు ఎదుర్కొన్నప్పటికీ, ప్రేక్షకుల మద్దతు తగ్గలేదు. ప్రస్తుతం కుటుంబ జీవితాన్ని ఆనందంగా అనుభవిస్తున్న సంజనా, ఈ శుభవార్తను పంచుకుంటూ అందరి ప్రేమను అందుకుంది.
One thought on “టాలీవుడ్ నటి సంజనా గల్రానీకి రెండో సంతోషకర వార్త: మళ్లీ తల్లిగా ప్రమోషన్!”
Comments are closed.