బాలీవుడ్ స్టార్ హీరో హృతిక్ రోషన్ దర్శకత్వం వహించనున్న “క్రిష్ 4″పై భారీ అంచనాలు నెలకొన్నాయి. ఈ సూపర్ హీరో ఫ్రాంచైజీలో నాలుగో భాగంగా తెరకెక్కనున్న ఈ చిత్రానికి హృతిక్ తండ్రి రాకేష్ రోషన్ దర్శకత్వ బాధ్యతలు అప్పగించనున్నారు. ఆదిత్య చోప్రా భాగస్వామ్యంతో నిర్మించబోయే ఈ చిత్రం అత్యంత భారీ బడ్జెట్తో రూపొందనుంది. గతంలో సూపర్ హీరో సినిమాలకు పెద్దగా ఆదరణ లేకపోవడం వల్లే క్రిష్ 4ను ఆలస్యం చేసినట్లు రాకేష్ తెలిపారు. ఈసారి రూ.1000 కోట్లకు పైగా బడ్జెట్తో ప్రేక్షకులను విభిన్న అనుభూతికి లోనిచేయాలనే లక్ష్యంతో సినిమా తెరకెక్కనుంది.
ఈ సినిమాలో నటించే తారల ఎంపిక అభిమానుల్లో ఆసక్తిని రేకెత్తిస్తోంది. గత క్రిష్ ఫ్రాంచైజీలో నటించిన రేఖా, ప్రీతి జింతా, ప్రియాంక చోప్రా వంటి నటీమణులు మళ్లీ నటించనున్నట్లు సమాచారం. మరోవైపు, క్రిష్ 3లో విలన్గా నటించిన కంగన రనౌత్ కూడా ఈ పార్ట్లో కనిపించనుందన్న వార్తలు చక్కర్లు కొడుతున్నాయి. హృతిక్, కంగన మధ్య ఉన్న పాత వివాదాల నేపథ్యంలో వీరిద్దరూ స్క్రీన్పై మళ్లీ తలపడతారన్న మాట అభిమానుల్లో ఆసక్తిని పెంచుతోంది. అలాగే నోరా ఫతేహికి కీలక పాత్ర దక్కనున్నట్లు సినీ వర్గాల్లో వినిపిస్తోంది.
కాస్టింగ్ విషయంలో ఇంకా అధికారిక ప్రకటన వెలువడకపోయినా, సినిమాకు సంబంధించిన కొన్ని ఆసక్తికరమైన అంశాలు ఇప్పటికే లీక్ అయ్యాయి. ఈ చిత్రం టైమ్ ట్రావెల్ నేపథ్యంలో సాగుతుందని, ప్రపంచమే ప్రమాదంలో పడినప్పుడు సూపర్ హీరో క్రిష్ రంగంలోకి దిగతాడన్న కథాంశంతో రూపొందుతుందని తెలుస్తోంది. హృతిక్ రోషన్ ఇందులో మూడు భిన్న పాత్రల్లో నటించనున్నట్లు సమాచారం — హీరోగా, అతని తండ్రిగా, విలన్గా. “అవెంజర్స్: ఎండ్గేమ్” స్థాయిలో భారీ వీఎఫ్ఎక్స్, విజువల్ గ్రాండియర్తో ఈ సినిమా ప్రేక్షకులను రోమాంచితం చేయనుందని బాలీవుడ్ వర్గాలు చెబుతున్నాయి.
One thought on “క్రిష్ 4లో మళ్లీ శత్రువులు? హృతిక్ – కంగన ఢీ”
Comments are closed.