మెగాస్టార్ చిరంజీవి నటిస్తున్న ‘విశ్వంభర’ షూటింగ్ చివరి దశలో ఉంది. అయితే, విజువల్ ఎఫెక్ట్స్ పనులు ఇంకా కొనసాగుతున్నందున సినిమా విడుదల మరోసారి ఆలస్యం అయ్యే అవకాశం ఉంది.
మొదట ఈ సినిమాను 2025 సంక్రాంతికి రిలీజ్ చేయాలని అనుకున్నా, షూటింగ్ పూర్తికాకపోవడంతో విడుదల వాయిదా పడింది. తర్వాత సమ్మర్ 2025లో విడుదల చేసేలా ప్లాన్ చేశారు. కానీ తాజా సమాచారం ప్రకారం, మే 9న విడుదల అసాధ్యమైందని తెలుస్తోంది. దీంతో దసరా 2025లో సినిమాను విడుదల చేయాలని మేకర్స్ భావిస్తున్నారు.
ఇక పవన్ కళ్యాణ్ నటించిన ‘హరి హర వీరమల్లు’ మే 9న విడుదలయ్యే అవకాశం ఉంది. మొదట మార్చి 28న విడుదల చేయాలని అనుకున్నారు. కానీ పవన్ రాజకీయ కార్యక్రమాలతో బిజీగా ఉండటంతో సినిమా పూర్తి కాలేదు. వచ్చే నెలలో షూటింగ్ ముగిసిన వెంటనే మే 9న రిలీజ్ చేసేందుకు ప్రయత్నిస్తున్నారు.
అయితే, ‘హరి హర వీరమల్లు’ మే 9న నిజంగా విడుదల అవుతుందా? ‘విశ్వంభర’ కోసం ప్రేక్షకులు ఇంకా ఎంత సమయం ఎదురు చూడాలి? త్వరలోనే దీనిపై స్పష్టత రానుంది.
One thought on “చిరంజీవి ‘విశ్వంభర’ ఆలస్యం – మే 9న ‘హరి హర వీరమల్లు’ రాబోతోందా?”
Comments are closed.