రంగారెడ్డి జిల్లాలో ఓ యువతి చేసిన హడావుడి వల్ల రైళ్ల రాకపోకలు తీవ్రంగా ప్రభావితమయ్యాయి. శంకరపల్లి మండలం నాగులపల్లి – శంకరపల్లి మార్గంలోని రైలుపట్టాలపై ఓ యువతి కారుతో నడిచిన ఘటన కలకలం రేపింది. పట్టాలు దాటి వెళ్లడం అనుమానంగా భావించిన స్థానికులు వెంటనే స్పందించారు.
సదరు యువతి తన కారుతో రైలుపట్టాలపై నడిపిస్తుండగా, ఆ దృశ్యాన్ని గమనించిన స్థానికులు వెంటనే పట్టాల వద్దకు పరుగెత్తారు. సమీపంలోనే రైలు వస్తుండటాన్ని గుర్తించిన వారు, అప్రమత్తంగా వ్యవహరించి లోకోపైలట్కు సమాచారాన్ని అందించారు. రైలు లోకోపైలట్ ముందస్తు చర్యగా ట్రైన్ను నిలిపివేయడంతో పెనుప్రమాదం తప్పింది.
ఈ ఉదంతంతో ఆ మార్గంలో రైళ్ల రాకపోకలకు తీవ్ర అంతరాయం ఏర్పడింది. ట్రైన్లు నిలిచిపోవడంతో ప్రయాణికులు అవస్థలు పడ్డారు. దాదాపు గంటన్నర పాటు రైల్వే ట్రాఫిక్ నిలిచిపోయింది.
ఈ ఘటనపై సమాచారం అందుకున్న రైల్వే పోలీసులు సంఘటనా స్థలానికి చేరుకున్నారు. కారుతో రైలుపట్టాలపై ప్రయాణించిన యువతిని అదుపులోకి తీసుకుని, ఆమె ఉద్దేశ్యం ఏమిటో తెలుసుకునేందుకు విచారణ ప్రారంభించారు. సాధారణంగా రైలుపట్టాలపై అనుమతిలేని వాహనాల ప్రవేశం నిబంధనలకు విరుద్ధం. ఇటువంటి చర్యలు ప్రయాణికుల ప్రాణాలకు ప్రమాదం కలిగించే అవకాశముండటం వల్ల, రైల్వే అధికారులు ప్రజలను అప్రమత్తంగా ఉండాలని సూచిస్తున్నారు. ఈ ఘటనపై కేసు నమోదు చేసిన పోలీసులు, యువతిపై క్రిమినల్ చర్యలు తీసుకునే అవకాశాలు ఉన్నట్లు తెలిపారు.
Read More : హైదరాబాద్ ఎక్స్ప్రెస్వే వద్ద కారులో మంటలు
One thought on “రంగారెడ్డి జిల్లాలో రైలుపట్టాలపై కారు డ్రైవింగ్ చేసిన యువతి..”
Comments are closed.