ఆంధ్రప్రదేశ్లో శాంతి భద్రతలు రోజురోజుకు గాడితప్పుతున్నాయి. తాజాగా విజయవాడ నగరంలో నడిరోడ్డుపై యువకుల వర్చస్వపు దాడులు స్థానికులను భయబ్రాంతులకు గురి చేశాయి. మాచవరం పోలీస్ స్టేషన్కు కూతవేటు దూరంలోనే క్రీస్తురాజపురం ప్రాంతంలోని ఆల్ఫా టీ క్యాంటీన్ వద్ద ఈ ఘటన చోటుచేసుకుంది.
మద్యం మత్తులో ఉన్న ఇద్దరు యువకులు ఓ దిక్కుతోకలేని పరిస్థితుల్లో కత్తులతో పరస్పరం దాడులు చేసుకున్నట్లు ప్రత్యక్ష సాక్షులు తెలిపారు. అంతటితో ఆగకుండా బీర్ సీసాలను ప్రజలమీదకు విసిరి నేరుగా వీధిలో హల్చల్ చేశారు. ఒక్కసారిగా గంభీరంగా మారిన పరిస్థితితో స్థానికులు ఆందోళన చెందుతూ పోలీసులకు సమాచారం అందించారు.
వెంటనే స్పందించిన మాచవరం పోలీసులు ఘటనా స్థలానికి చేరుకుని యువకులను అదుపులోకి తీసుకున్నారు. ఈ ఘటన నేపథ్యంలో పోలీసు వ్యవస్థపై ప్రజల్లో తీవ్ర అసంతృప్తి వ్యక్తమవుతోంది. నిత్యం ప్రజలు తిరిగే ప్రాంతంలో ఇలా దాడులు జరగడం పట్ల నిరాశ వ్యక్తమవుతోంది. యువకులపై కేసు నమోదు చేసిన పోలీసులు దర్యాప్తు కొనసాగిస్తున్నారు.
Read More ; గర్భిణీ ఆర్పీఎఫ్ కానిస్టేబుల్ పై దాడి
