అమెరికా మాజీ అధ్యక్షుడు డొనాల్డ్ ట్రంప్ విధించిన టారిఫ్లపై అక్కడి అప్పీల్స్ కోర్టు కీలక తీర్పు వెలువరించింది. ఈ సుంకాలు చట్టవిరుద్ధమని కోర్టు స్పష్టంచేయగా, ట్రంప్ మాత్రం ఈ తీర్పును తీవ్రంగా వ్యతిరేకించారు. టారిఫ్లు యథావిధిగా కొనసాగుతాయని, సుప్రీంకోర్టులో సవాల్ చేస్తానని ఆయన ప్రకటించారు.
ఈ విషయంపై తన సోషల్ మీడియా వేదిక ‘ట్రూత్ సోషల్’లో ట్రంప్ స్పందిస్తూ… “అప్పీల్స్ కోర్టు పక్షపాత నిర్ణయం తీసుకుంది. కానీ చివరికి గెలిచేది అమెరికానే” అని వ్యాఖ్యానించారు. టారిఫ్లను ఎత్తివేస్తే దేశ ఆర్థిక వ్యవస్థ బలహీనపడుతుందని, అమెరికా తయారీదారులు, రైతులు, కార్మికులు నష్టపోతారని హెచ్చరించారు. దేశ బలానికి టారిఫ్లు అవసరమని ట్రంప్ స్పష్టం చేశారు. ఇకపోతే, ఈ టారిఫ్లు చట్టవిరుద్ధమని తేలితే, అమెరికా విదేశాంగ విధానం, జాతీయ భద్రత దెబ్బతింటుందని వాణిజ్య కార్యదర్శి హోవార్డ్ లట్నిక్ ఆందోళన వ్యక్తం చేశారు. మిత్రదేశాలతో జరగాల్సిన కీలక చర్చలకు కూడా ఆటంకం కలిగించవచ్చని ఆయన అభిప్రాయపడ్డారు.
గమనించదగ్గ విషయం ఏమిటంటే, ఏడు నెలల క్రితం తిరిగి అధ్యక్ష పదవిని చేపట్టిన ట్రంప్, ప్రపంచ వాణిజ్య విధానంలో దూకుడుగా వ్యవహరిస్తున్నారు. 1977 నాటి చట్టాన్ని ఆధారంగా చేసుకుని వాణిజ్య లోటును జాతీయ అత్యవసర పరిస్థితిగా ప్రకటించి, దిగుమతులపై భారీ సుంకాలు విధిస్తున్నారు. ప్రస్తుతం అప్పీల్స్ కోర్టు తీర్పు నేపథ్యంలో, సుప్రీంకోర్టును ఆశ్రయించేందుకు ట్రంప్ ప్రభుత్వానికి అవకాశం దొరికింది.
Read More : ప్రధాని మెలోని సహా పలువురు మహిళల ఫొటోలు మార్ఫింగ్ .
One thought on “సుప్రీంకోర్టుకు సవాల్ చేసిన ట్రంప్ .”
Comments are closed.