నాలుగు పదుల వయసులో కూడా సౌత్ ఇండస్ట్రీలో తన సత్తా చాటుతూ బిజీగా ఉన్న త్రిష, ఇటీవల షేర్ చేసిన ఒక ఫోటో ప్రస్తుతం నెట్టింట వైరల్ అవుతోంది. ఆ ఫోటోలో రమ్యకృష్ణ, జ్యోతిక, రాధికా శరత్కుమార్లతో కలిసి నైట్ టైమ్లో దిగిన సెల్ఫీ ఉంది. ఈ ఫోటో సామాన్య గెట్టు గెదర్గా కనిపిస్తున్నప్పటికీ, ఫ్యాన్స్ మాత్రం అది బ్యాచిలర్ పార్టీ లేదా పెళ్లి పార్టీ అనుకుంటూ సోషల్ మీడియాలో చర్చలు చేస్తున్నారు.
త్రిష పెళ్లిపై వస్తున్న రూమర్స్ ఇదే మొదటిసారి కాదు. గతంలోనూ త్రిష పెళ్లికూతురు డ్రెస్లో కనిపించిన ఫోటో సోషల్ మీడియాలో హల్చల్ చేయడంతో, ఆమె పెళ్లి గురించి ఆసక్తి పెరిగింది.
‘పొన్నియన్ సెల్వన్’ సినిమాతో తిరిగి ఫామ్లోకి వచ్చిన త్రిషకు ఆఫర్లు క్యూ కట్టాయి. ప్రస్తుతం చిరంజీవి సరసన ‘విశ్వంభర’, అజిత్తో ‘గుడ్ బ్యాడ్ అగ్లీ’, కమల్ హాసన్తో ‘థగ్ లైఫ్’ వంటి భారీ చిత్రాల్లో నటిస్తోంది. వరుస సినిమాలతో బిజీగా ఉన్న త్రిష, పెళ్లి చేసుకుని వ్యక్తిగత, వృత్తిపరమైన జీవితాలను సమతుల్యం చేస్తుందా లేక సినిమాల తర్వాతే పెళ్లి గురించి ఆలోచిస్తుందా అనేది చూడాలి.
ఈ సందర్భంలో, త్రిష నిజంగానే పెళ్లి గురించి ప్లాన్ చేసుకుంటుందా లేదా ఫ్యాన్స్కు ఏదైనా సర్ప్రైజ్ ఇస్తుందా అనే అంశం ఆసక్తికరంగా మారింది.
One thought on “త్రిష పెళ్లి రూమర్స్: నిజమేనా లేక ఫ్యాన్స్ ఊహలేనా?”
Comments are closed.