తెలంగాణ భవన్‌లో ఈ రోజు ఉదయం ఊహించని రీతిలో కోలాహలం నెలకొంది. ఫార్ములా-ఈ కేసు విచారణ అనంతరం బయటకు వచ్చిన బీఆర్ఎస్ వర్కింగ్ ప్రెసిడెంట్ కేటీఆర్‌ను Telangana Bhavan వద్ద భారీ సంఖ్యలో బీఆర్ఎస్ కార్యకర్తలు ఉత్సాహంగా స్వాగతించారు.
కేటీఆర్‌ రాగానే కార్యకర్తలు పెద్దఎత్తున నినాదాలు చేస్తూ పటాకులు కాల్చారు. పార్టీ జెండాలు చేతబట్టి, కేటీఆర్‌కి మద్దతుగా నినాదాలు చేసిన బీఆర్ఎస్ కార్యకర్తలు తెలంగాణ భవన్‌ ప్రాంగణాన్ని ఉత్సాహభరితంగా మార్చేశారు. ఈ నేపథ్యంలో అక్కడ పోలీసులు భద్రత కట్టుదిట్టం చేశారు.
అంతలోనే బీఆర్ఎస్ సీనియర్ నేత, మాజీ మంత్రి హరీష్ రావు అక్కడికి వచ్చి కేటీఆర్‌ను హత్తుకుని ఆప్యాయంగా పలకరించారు. అనంతరం ఇద్దరూ కలిసి తెలంగాణ భవన్‌లోకి ప్రవేశించారు. ఈ దృశ్యం కార్యకర్తల్లో మరింత ఉత్సాహాన్ని రేకెత్తించింది.
ఈ సందర్భంగా హరీష్ రావు మాట్లాడుతూ… “మా నాయకుడికి పార్టీ, కార్యకర్తల మద్దతు ఎప్పుడూ ఉంది. జరుగుతున్న ఆరోపణలు రాజకీయ ప్రేరణతో జరుగుతున్నవే” అని చెప్పారు.
ఇలా తెలంగాణ భవన్‌లో రోజంతా బీఆర్ఎస్ కార్యకర్తల ఉత్సాహం, నినాదాలు కొనసాగాయి.
Read More : రేవంత్ ప్రభుత్వం వైద్య రంగాన్ని నిర్లక్ష్యం చేస్తోంది
