సమంత సక్సెస్ఫుల్ హీరోయిన్గా మాత్రమే కాదు, మంచి మనసు కలిగిన వ్యక్తిగా కూడా తనను నిరూపించుకుంది. ఆమె ప్రత్యూష ఫౌండేషన్ ద్వారా చేసే సేవా కార్యక్రమాలు, ఇతర సామాజిక సేవలు ఎన్నో మందికి స్ఫూర్తిగా మారాయి. వీటిని చూసిన ఆంధ్రప్రదేశ్ బాపట్ల జిల్లా ఆలపాడు గ్రామానికి చెందిన సందీప్ అనే వీరాభిమాని సమంతపై తన అభిమానాన్ని విశేషంగా వ్యక్తపరిచాడు.
సందీప్, కార్ డ్రైవర్గా పనిచేస్తూ, “ఏ మాయ చేసావే” సినిమా కాలం నుంచి సమంతను అభిమానిస్తుండగా, ఆమె చేసిన మంచి పనులకు ప్రభావితుడయ్యాడు. తన ఇంటి ఆవరణలోనే సమంతకు గుడి కట్టించి ప్రతిరోజూ పూజలు చేస్తున్నాడు. 2023లో సమంత పుట్టినరోజు నాడే ఈ గుడిని ప్రారంభించినప్పటికీ, ఈ విషయం ఇన్నాళ్లూ బయటకు రాలేదు. తమిళనాడులో ఖుష్బూ, నమిత వంటి నటీమణులకు గుడులు కట్టిన సందర్భాలు ఉన్నా, తెలుగునాట ఒక హీరోయిన్కు గుడి కట్టడం ఇదే మొదటిసారి.
సమంతపై సందీప్ అభిమానాన్ని కొందరు ప్రశంసించగా, మరికొందరు ఆశ్చర్యపోతున్నారు. అతని ఈ పని సామాన్య అభిమానం కాదు, సమంతపై ఉన్న గాఢమైన అభిమానానికి సాక్ష్యంగా నిలిచింది. ఈ విషయంపై సమంత ఎలా స్పందిస్తుందో అన్న ఆసక్తి ఇప్పుడు అందరిలో నెలకొంది.
One thought on “సమంతపై అభిమానంతో గుడి కట్టిన వీరాభిమాని – ఆశ్చర్యపరిచే ఘటన”
Comments are closed.