పాన్ ఇండియా స్థాయిలో రూపొందుతున్న చిత్రంలో గ్లోబల్ స్టార్ రామ్ చరణ్ ప్రధాన పాత్రలో నటిస్తున్నాడు. బుచ్చిబాబు సనా దర్శకత్వంలో, మైత్రీ మూవీ మేకర్స్, సుకుమార్ రైటింగ్స్ సమర్పణలో, వృద్ధి సినిమాస్ బ్యానర్ పై వెంకట సతీష్ కిలారు ఈ చిత్రాన్ని నిర్మిస్తున్నారు. రామ్ చరణ్ పుట్టినరోజు సందర్భంగా విడుదలైన ప్రీ-లుక్ పోస్టర్ సినిమాపై ఆసక్తిని పెంచగా, తాజాగా విడుదలైన టైటిల్, ఫస్ట్ లుక్ మరింత ఉత్కంఠ రేపాయి.
‘PEDDI’ అనే పవర్ఫుల్ టైటిల్తో ఈ సినిమా గ్రామీణ నేపథ్యంలో ప్రతిభను ప్రదర్శించనుంది. ఫస్ట్ లుక్ పోస్టర్లో రామ్ చరణ్ అనుకోని అవతారంలో కనిపించాడు. రఫ్ లుక్లో పొడవాటి జుట్టు, పెరిగిన గడ్డం, ముక్కు రింగ్ ధరించి, సిగరెట్ పీకుతూ, ఆగ్రహంతో తిన్నగా చూస్తున్న చరణ్ భిన్నమైన మాస్ అవతారంతో అలరించాడు. మరో పోస్టర్లో పాత క్రికెట్ బ్యాట్ పట్టుకుని గ్రామీణ స్టేడియంలో రామ్ చరణ్ కనిపించాడు. ఈ చిత్రం గ్రామీణ డ్రామా, హై-ఆక్టేన్ యాక్షన్, భావోద్వేగాల మేళవింపుగా ఉంటుందని ఈ పోస్టర్ సూచిస్తోంది.
కన్నడ స్టార్ శివరాజ్ కుమార్, బాలీవుడ్ అందాల తార జాన్వీ కపూర్ ప్రధాన పాత్రలు పోషిస్తున్న ‘PEDDI’ చిత్రంలో, సంగీత దర్శకుడు ఏ.ఆర్. రెహమాన్, సినిమాటోగ్రాఫర్ ఆర్. రత్నవేలు, ఎడిటర్ నవీన్ నూలి, ప్రొడక్షన్ డిజైనర్ అవినాష్ కొల్లా వంటి అవార్డు గెలుచుకున్న టెక్నీషియన్స్ పని చేస్తున్నారు.
ఈ చిత్రంలో రామ్ చరణ్ పాత్ర ప్రేక్షకులను మంత్ర ముగ్దులను చేయనుంది. ఫస్ట్ లుక్తోనే అంచనాలు తారాస్థాయికి చేరుకున్నాయి. ‘PEDDI’ చిత్రం రామ్ చరణ్ అభిమానులను మాత్రమే కాకుండా, సినిమా ప్రేక్షకులందరినీ మంత్రముగ్దులను చేసేలా ఉందని చెప్పడంలో సందేహమే లేదు.
One thought on “‘PEDDI’ ఫస్ట్ లుక్: రామ్ చరణ్ మాస్ అవతార్లో రా ఇంటెన్సిటీ!”
Comments are closed.