ఉక్రెయిన్తో కొనసాగుతున్న యుద్ధానికి శాంతియుత ముగింపు దిశగా రష్యా అధ్యక్షుడు వ్లాదిమిర్ పుతిన్ కీలక వ్యాఖ్యలు చేశారు. ఉక్రెయిన్ అధ్యక్షుడు వొలొదిమిర్ జెలెన్స్కీతో సమావేశం కావడానికి తాను సిద్ధంగా ఉన్నానని ప్రకటించారు. అయితే, ఆ సమావేశం తుది దశ చర్చల సమయంలో మాత్రమే జరుగుతుందని ఆయన స్పష్టం చేశారు.
చట్టబద్ధతపై పుతిన్ సందేహాలు
విదేశీ మీడియాతో సెయింట్ పీటర్స్బర్గ్లో జరిగిన సమావేశంలో పుతిన్ మాట్లాడుతూ, జెలెన్స్కీ చట్టబద్ధతపై మరోసారి అనుమానాలు వ్యక్తం చేశారు. “అయనను కలవడానికి సిద్ధంగా ఉన్నాను. కానీ అది తుది దశ చర్చల్లో భాగంగా ఉంటేనే సాధ్యమవుతుంది. ఉక్రెయిన్కు చర్చల బాధ్యత ఎవరికిచ్చినా అది రష్యాకు సంబంధించినది కాదు. కానీ ఒప్పందాలపై చట్టబద్ధమైన అధికారుల సంతకాలు తప్పనిసరి” అని పేర్కొన్నారు.
చర్చలకు రష్యా సిద్ధం
రష్యా ఎప్పుడూ శాంతియుత పరిష్కారానికే ప్రాధాన్యత ఇస్తుందని పుతిన్ తెలిపారు. కీవ్ మరియు పాశ్చాత్య దేశాలు చర్చలకు సిద్ధంగా ఉంటే, రష్యా కూడా చర్చలు కొనసాగించడానికి సిద్ధంగా ఉందని వెల్లడించారు. జూన్ 22 తర్వాత రష్యా-ఉక్రెయిన్ మధ్యవర్తుల మధ్య ప్రత్యక్ష చర్చలు పునఃప్రారంభం కానున్నట్లు చెప్పారు.
శాంతియుత మార్గం కాకపోతే సైనిక చర్య
ఒప్పందానికి శాంతియుత మార్గంలో రాకపోతే, రష్యా తన లక్ష్యాలను సైనిక మార్గాల ద్వారానే సాధిస్తుందని పుతిన్ హెచ్చరించారు. ఉక్రెయిన్ను నిస్సైనిక ప్రాంతంగా మార్చడమే తమ ప్రత్యేక సైనిక చర్య లక్ష్యమని స్పష్టం చేశారు. ఉక్రెయిన్ రష్యాకు ముప్పుగా మారే బలగాలు కలిగి ఉండకుండా చేయడమే తమ ప్రధాన ఉద్దేశమని తెలిపారు.
జెలెన్స్కీ చట్టబద్ధతపై మరోసారి విమర్శలు
క్రెమ్లిన్ జెలెన్స్కీ చట్టబద్ధతపై అనేకసార్లు ప్రశ్నలు లేవనెత్తిందని విశ్లేషకులు చెబుతున్నారు. అమెరికా మాజీ అధ్యక్షుడు డొనాల్డ్ ట్రంప్ కూడా జెలెన్స్కీని “మోస్తరు విజయవంతమైన హాస్యనటుడు”గా, “నియంత”గా అభివర్ణిస్తూ, ఆయన ఎన్నికలు నిర్వహించకపోవడాన్ని విమర్శించారు. ఈ వ్యాఖ్యలు రష్యా వాదనకు బలం చేకూర్చినట్లయ్యాయి.
Read More : ప్రపంచంలో అత్యంత సురక్షితమైన టాప్ 10 ఎయిర్లైన్స్
One thought on “జెలెన్స్కీతో తుది దశ చర్చలకు పుతిన్ సన్నద్ధత”
Comments are closed.