ప్రముఖ దర్శకుడు పూరీ జగన్నాథ్ తెరకెక్కించిన అప్పు సినిమా, దివంగత నటుడు పునీత్ రాజ్కుమార్ను అగ్ర నటుడిగా నిలిపిన బ్లాక్బస్టర్. 2002లో విడుదలైన ఈ సినిమా ఇప్పుడు మళ్లీ థియేటర్లలో సందడి చేస్తోంది. కుటుంబ ప్రేక్షకుల్లో ప్రత్యేకమైన గుర్తింపు తెచ్చుకున్న పునీత్కు ఇదో భావోద్వేగపూరితమైన నివాళిగా భావిస్తున్నారు.
2002లో అప్పు సినిమా విడుదలకు ముందే భారీ అంచనాలు ఏర్పడ్డాయి. ప్రముఖ పాత్రికేయుడు రవి బెలగెరే తన హాయ్ బెంగళూరు పత్రికలో ప్రచురించిన కథనం మరింత ఉత్సుకత రేపింది. “రాజ్కుమార్ కుటుంబం నుంచి వచ్చిన చివరి కుర్రాడు విజయవంతం అవుతాడా?” అనే ప్రశ్నను ఆయన ముందుంచారు.
కర్ణాటకలో రాజ్కుమార్కు అపారమైన అభిమాన వర్గం ఉంది. ఆయన పెద్ద కుమారుడు శివరాజ్కుమార్ స్టార్గా నిలిచారు. అయితే, రెండో కుమారుడు రాఘవేంద్ర రాజ్కుమార్ తొలి కొన్ని విజయాల తర్వాత పెద్దగా అవకాశాలు పొందలేకపోయారు.
చిత్ర విమర్శకుడు ఎస్. శ్యామ్ ప్రసాద్ మాట్లాడుతూ, “రాజ్కుమార్ కుటుంబం మరో స్టార్ను ఇస్తుందా? అనే సందేహం అప్పు విడుదలకు ముందు అందరిలోనూ ఉంది. పునీత్ తల్లి పార్వతమ్మ రాజ్కుమార్ నిర్వహించిన పూర్ణిమ ఎంటర్ప్రైజెస్ ఈ చిత్రాన్ని నిర్మించింది. ఈ చిత్రానికి కుటుంబ గౌరవం, వారసత్వమూ సంబంధించినందున భారీ అంచనాలు ఏర్పడ్డాయి” అని వ్యాఖ్యానించారు.
ఈ రీ-రిలీజ్ సందర్భంగా అభిమానులు థియేటర్లలో భారీగా హాజరై, తమ అభిమాన హీరో పునీత్ రాజ్కుమార్కు ఘనమైన నివాళి అర్పిస్తున్నారు.
One thought on “పునీత్ రాజ్కుమార్కు ఘన నివాళిగా ‘అప్పు’ రీ-రిలీజ్”
Comments are closed.