ఆంధ్రప్రదేశ్లో భారీ దుమారం సృష్టించిన ముంబై నటి కాదంబరి జెత్వానీ కేసులో కీలక మలుపు తలెత్తింది. మాజీ ఇంటెలిజెన్స్ చీఫ్, సీనియర్ ఐపీఎస్ అధికారి పీఎస్సార్ ఆంజనేయులును ఏపీ పోలీసులు మంగళవారం హైదరాబాద్లో అరెస్ట్ చేసి విజయవాడకు తరలించారు.
ఆయన అరెస్ట్పై అసెంబ్లీ డిప్యూటీ స్పీకర్ రఘురామ కృష్ణంరాజు స్పందించారు. ఈ ఉదయం వార్త చూసి సంతోషించానని పేర్కొన్నారు. జగన్మోహన్ రెడ్డి హయాంలో ఆంజనేయులు అనైతిక కార్యకలాపాల్లో నిమగ్నమయ్యారని తీవ్ర విమర్శలు చేశారు. “జగన్ పిలిస్తే కాల్చి వచ్చిన వ్యక్తి ఇతడే” అంటూ ఘాటుగా వ్యాఖ్యానించారు.
తనపై జరిగిన దాడి కేసులో కూడా ఆంజనేయులు ప్రధాన నిందితుడిగా ఉన్నారని గుర్తుచేశారు. ఈ అరెస్ట్తో తన కేసు ముందుకు కదులుతోందని తెలిపారు. అదే కేసులో మరో ఐపీఎస్ అధికారి పీవీ సునీల్ కుమార్ పాత్రపై కూడా ప్రశ్నలు లేవనెత్తారు. సునీల్ కుమార్ను ఇప్పటికీ విచారణకు పిలవకపోవడంపై అసంతృప్తి వ్యక్తం చేశారు.
అలాగే, తనపై దాడి కేసులో నిందితుల్లో ఉన్న సునీల్ నాయక్ బీహార్ నుంచి రావడానికి నిరాకరిస్తున్నాడని, డాక్టర్ పై విచారణ కొనసాగుతోందని తెలిపారు. ఆంజనేయుల అరెస్ట్తో తన కేసు దర్యాప్తు వేగంగా పూర్తవుతుందని ఆశాభావం వ్యక్తం చేశారు.
Read More : వైసీపీ అధినేత వైఎస్ జగన్మోహన్ రెడ్డి ఆరోపణలు..
2 thoughts on “ఆంజనేయులు అరెస్ట్ — కాదంబరి కేసులో కీలక మలుపు, రఘురామ స్పందన”
Comments are closed.