పాన్ ఇండియా స్టార్ ప్రభాస్ గురించి వార్తలు ఎప్పుడూ హాట్ టాపిక్ అవుతూనే ఉంటాయి. ముఖ్యంగా పెళ్లి విషయానికి వస్తే, ప్రభాస్ పేరు అనేకసార్లు మీడియాలో చర్చనీయాంశంగా మారింది. ‘బాహుబలి’ తర్వాత దేశవ్యాప్తంగా అభిమానుల సంఖ్య భారీగా పెరగడంతో, అతని వ్యక్తిగత జీవితంపై రకరకాల గాసిప్స్ తెరపైకి వచ్చాయి. అనుష్క శెట్టి, కృతి సనన్ లాంటి కథానాయికల పేర్లు ప్రభాస్ పెళ్లి రూమర్లలో చాలా సార్లు వినిపించాయి.
తాజాగా, హైదరాబాద్కు చెందిన ప్రముఖ వ్యాపారి కుమార్తెతో ప్రభాస్ పెళ్లి ఫిక్స్ అయ్యిందనే వార్తలు వైరల్ అయ్యాయి. ఈ పెళ్లి ముహూర్తాలు కూడా ఫిక్స్ అయ్యాయంటూ సోషల్ మీడియాలో కథనాలు చక్కర్లు కొట్టాయి. అంతేకాకుండా, కృష్ణం రాజు భార్య శ్యామలాదేవి ఈ పెళ్లిని చూసుకుంటున్నారనే ప్రచారం జోరుగా నడిచింది.
ఈ వార్తలు చూసిన కొందరు అభినందనలు తెలియజేసినా, మరికొందరు షాక్ అయ్యారు. అయితే, ఈ రూమర్లపై ప్రభాస్ టీమ్ క్లారిటీ ఇచ్చింది. “ఈ వార్తలు పూర్తిగా ఫేక్. దయచేసి అలాంటి రూమర్లను నమ్మవద్దు,” అంటూ అధికార ప్రతినిధి ఖండించారు.
ప్రస్తుతం ప్రభాస్ ‘రాజాసాబ్,’ ‘ఫౌజీ,’ ‘స్పిరిట్,’ ‘సలార్ 2,’ ‘కల్కి 2’ వంటి భారీ ప్రాజెక్టులతో బిజీగా ఉన్నాడు. ఒక్కో సినిమా బడ్జెట్ 300 కోట్లకు పైగా ఉండటంతో, తన పూర్తి దృష్టి సినిమాలపైనే ఉందని తెలిపింది. ‘కల్కి 2898 AD’ వల్ల వచ్చిన క్రేజ్తో ప్రభాస్ కెరీర్ మరో స్థాయికి చేరుకున్నాడు. ఇటువంటి సమయంలో పెళ్లి రూమర్లు హడావుడి చేయడం ఆశ్చర్యంగా ఉందని ఫ్యాన్స్ అభిప్రాయపడుతున్నారు. ప్రభాస్ పెళ్లి గురించి ఎప్పటికప్పుడు పుకార్లు వస్తున్నప్పటికీ, అధికారిక ప్రకటన వచ్చే వరకు ఈ రూమర్లపై నమ్మకం పెట్టుకోవద్దని అభిమానులు కోరుతున్నారు.
One thought on “ప్రభాస్ పెళ్లి వార్తలపై క్లారిటీ – ప్రచారం ఫేక్ అని వెల్లడించిన టీమ్!”
Comments are closed.