2024 ఎన్నికల నేపథ్యంలో రాజకీయంగా పూర్తిగా బిజీగా ఉన్న జనసేన అధినేత పవన్ కళ్యాణ్, సినిమాల నుంచి దూరంగా ఉన్న విషయం తెలిసిందే. రాజకీయ సమీకరణాల కోసం ఆయన సుమారు ఏడాది పాటు షూటింగ్స్కు విరామం ఇచ్చారు. ప్రస్తుతం ఉప ముఖ్యమంత్రిగా బాధ్యతలు చేపట్టిన పవన్, తిరిగి తన సినిమాల పనులు పూర్తిచేయడంపై దృష్టి సారించారు.
అంతకముందే వాయిదా పడుతూ వస్తున్న ‘హరిహర వీరమల్లు’ చిత్రం షూటింగ్ చివరికి పూర్తి అయింది. ఈ విషయాన్ని చిత్ర యూనిట్ అధికారికంగా ప్రకటించింది. వీఎఫ్ఎక్స్ పనులు పూర్తవ్వలేదన్న కారణంతో ఈ నెలలో సినిమా విడుదల చేయడం సాధ్యపడకపోవచ్చు. అయితే వచ్చే నెలలో ఈ చిత్రం థియేటర్లలోకి వచ్చే అవకాశాలు ఉన్నాయి.
ఇక పవన్ మరో భారీ ప్రాజెక్ట్ అయిన ‘ఓజీ’ సినిమా షూటింగ్ కూడా ముగింపు దశలోకి చేరుకుంది. ఇటీవల ముంబయిలో కీలక షెడ్యూల్ పూర్తయ్యింది. ఇప్పుడు ఆంధ్రప్రదేశ్లో ఓజీ చివరి షెడ్యూల్ను ప్లాన్ చేసినట్లు సమాచారం. వారం నుంచి పది రోజులు సాగే ఈ షెడ్యూల్తో మొత్తం షూటింగ్ పూర్తవనుంది.
దర్శకుడు సుజీత్ సాహో సినిమా వంటి భారీ యాక్షన్ చిత్రాన్ని తీర్చిదిద్దిన తర్వాత, ఓజీపై అభిమానుల్లో భారీ అంచనాలు ఏర్పడ్డాయి. అయితే పవన్ కళ్యాణ్ డేట్ల లభ్యత సమస్య కారణంగా కొన్ని సన్నివేశాలను రాజీగా, సింగిల్ టేక్లతోనే పూర్తి చేయాల్సి వచ్చిందని టాలీవుడ్ వర్గాల్లో చర్చ సాగుతోంది. దీనిపై సోషల్ మీడియాలో మిశ్రమ స్పందనలు వస్తున్నా, పవన్ ఫ్యాన్స్ మాత్రం ఈ రెండు సినిమాల విడుదల కోసం ఆతృతగా ఎదురుచూస్తున్నారు.
ఫ్యాన్స్కు హ్యాపీ న్యూస్: రెండు భారీ చిత్రాల షూటింగ్ కూడా పూర్తి దశలో ఉండటంతో పవన్ అభిమానులు కొత్త రూపంలో హీరోను చూడటానికి తహతహలాడుతున్నారు. త్వరలో విడుదల తేదీలపై అధికారిక ప్రకటనలు వచ్చే అవకాశాలున్నాయి.
Read More : కమల్ హాసన్ కన్నడ భాషపై చేసిన వ్యాఖ్యలతో వివాదం.
One thought on “పవన్ కళ్యాణ్ షూటింగ్స్కి ఫుల్ క్లారిటీ”
Comments are closed.