పాన్ ఇండియా స్టార్ ప్రభాస్ ప్రస్తుతం హను రాఘవపూడి దర్శకత్వంలో తెరకెక్కుతున్న పీరియడ్ యాక్షన్ డ్రామా ‘ఫౌజీ’ చిత్ర షూటింగ్లో బిజీగా ఉన్నాడు. తాజాగా ఈ సినిమాలో ప్రభాస్తో కలిసి పనిచేస్తున్న సీనియర్ నటుడు మిథున్ చక్రవర్తి తన అనుభవాన్ని వెల్లడించారు. రూపమ్ రివ్యూ యూట్యూబ్ ఛానల్ ఇంటర్వ్యూలో మిథున్, ఫౌజీ షూటింగ్ లోని వివరాలు, తన గాయం గురించి మాట్లాడుతూ ఆత్మీయత చూపించారు.
మిథున్ తెలిపారు, “ప్రభాస్ ఇంకా నా సన్నివేశాల్లోకి ఎంట్రీ ఇవ్వలేదు. నేను జయప్రద గారితో కలిసి షూటింగ్ పూర్తి చేశాను. ఈ నెలాఖరుకు ప్రభాస్ షూట్లో చేరతారు” అని చెప్పారు. ఫౌజీ ఫోటోషూట్కు ముందు తన చేతి గాయంపై కూడా మిథున్ మాట్లాడారు. చేతి గాయంతో పాటు సర్జరీ అవసరం ఏర్పడింది. అయినా ప్లాస్టర్ వేసుకుని, పెయిన్ కిల్లర్స్ సాయంతో షూటింగ్ కొనసాగించాను. తర్వాత ఆసుపత్రిలో చికిత్స పొందాను” అని వెల్లడించారు.
మిథున్ చక్రవర్తి మాట్లాడుతూ, “ప్రభాస్ మరియు చిత్రబృందం నా ఆరోగ్యంపై ఎక్కువ శ్రద్ధ చూపించారు. షూటింగ్ గురించి ఆందోళన పడొద్దని, పూర్తిగా విశ్రాంతి తీసుకోవాలని ప్రేమగా చెప్పారు” అని గుర్తు చేశారు. ప్రభాస్, మిథున్ చక్రవర్తి, అనుపమ్ ఖేర్, జయప్రద కీలక పాత్రలు పోషిస్తున్న ఈ చిత్రంలో డెబ్యూట్ హీరోయిన్ ఇమాన్వి ఇస్మాయిల్ ప్రభాస్ సరసన నటిస్తోంది. ఇదిలా ఉంటే, ప్రభాస్ తదుపరి ప్రాజెక్టులుగా స్పిరిట్, ది రాజా సాబ్, కన్నప్ప సినిమాలతో పాటు సలార్ 2 మరియు కల్కి 2 సీక్వెల్స్ కూడా ప్రతిష్టాత్మకంగా సిద్ధమవుతున్నాయి.
One thought on “‘చేతి ఫ్రాక్చర్ తర్వాత కూడా ఫౌజీ షూటింగ్ పూర్తి చేశాను’ – మిథున్ చక్రవర్తి”
Comments are closed.