అసెంబ్లీలో మెగా డీఎస్సీపై మంత్రి లోకేష్ కీలక ప్రకటన

రాష్ట్ర అసెంబ్లీ సమావేశాలు కొనసాగుతున్న నేపథ్యంలో విద్యాశాఖ మంత్రి నారా లోకేష్ పలు ముఖ్యమైన విషయాలను వెల్లడించారు. ముఖ్యంగా మెగా డీఎస్సీ 2025 నోటిఫికేషన్ గురించి ఆయన సభలో ప్రకటన చేశారు.

మెగా డీఎస్సీ 2025 నోటిఫికేషన్

రాష్ట్రంలోని 16,347 ఉపాధ్యాయ పోస్టులను భర్తీ చేసేందుకు త్వరలోనే మెగా డీఎస్సీ నోటిఫికేషన్ విడుదల చేస్తామని మంత్రి లోకేష్ ప్రకటించారు. గత ఏడాది జూన్ నుండి ఈ నోటిఫికేషన్‌పై అభ్యర్థులు ఎదురుచూస్తున్నారు.

డీఎస్సీ ద్వారా 6,371 సెకండరీ గ్రేడ్ టీచర్ (SGT) పోస్టులు, 7,725 స్కూల్ అసిస్టెంట్ (SA) పోస్టులు, 1,781 ట్రైన్డ్ గ్రాడ్యుయేట్ టీచర్ (TGT) పోస్టులు, 286 పోస్టు గ్రాడ్యుయేట్ టీచర్ (PGT) పోస్టులు, 52 ప్రిన్సిపల్ పోస్టులు, 132 ఫిజికల్ ఎడ్యుకేషన్ టీచర్ (PET) పోస్టులు భర్తీ చేయనున్నట్లు తెలిపారు.

పాఠశాలల అభివృద్ధి

• రాష్ట్రంలోని ప్రభుత్వ పాఠశాలల వద్ద ప్రహరీ గోడలు నిర్మించేందుకు రూ.3,000 కోట్లు అవసరమని మంత్రి వెల్లడించారు.
• ఉపాధి హమీ కింద ఈ పనులను దశల వారీగా చేపడతామని తెలిపారు.
• విద్యా సంస్థల్లో ‘డ్రగ్స్ వద్దు బ్రో’ క్యాంపెయిన్ అమలు చేయనున్నారు.
• ప్రతి పాఠశాలలో ఈగల్ బృందాలు ఏర్పాటు చేస్తామని చెప్పారు.

117 జీవో ప్రభావం

• గత ప్రభుత్వ హయాంలో తెచ్చిన 117 జీవో వల్ల నిరుపేద విద్యార్థులు విద్యకు దూరమయ్యారని మంత్రి లోకేష్ అన్నారు.
• దాదాపు 12 లక్షల మంది విద్యార్థులు విద్యకు దూరమయ్యారని తెలిపారు.
• సభ్యుల సూచనలు తీసుకుని విద్యా విధానాన్ని మెరుగుపరిచేందుకు చర్చలు చేపడతామని వెల్లడించారు.

సీసీటీవీలు & మౌలిక సదుపాయాలు

• పాఠశాలల్లో సీసీటీవీ కెమెరాలు, మంచి లైటింగ్ ఏర్పాటు చేయనున్నారు.
• లెర్నింగ్ ఎక్స్‌లెన్స్ ఆఫ్ ఏపీ (LEAP) ద్వారా కార్పొరేట్ సోషల్ రెస్పాన్సిబిలిటీ (CSR) నిధులతో పాఠశాలల అభివృద్ధి చేపడతామని తెలిపారు.

మెగా డీఎస్సీ నోటిఫికేషన్ రోడ్ మ్యాప్

• ఇప్పటికే మెగా డీఎస్సీ సిలబస్ విడుదల చేశారు.
• ఈ నెలలోనే నోటిఫికేషన్ విడుదల చేయనున్నట్లు వెల్లడించారు.
• ఎటువంటి లీగల్ సమస్యలు లేకుండా నియామక ప్రక్రియను పూర్తి చేయాలని విద్యాశాఖ అధికారులు చర్యలు తీసుకుంటున్నారు.

మెగా డీఎస్సీ కోసం ఎదురుచూస్తున్న అభ్యర్థులకు ఈ ప్రకటన ఉత్సాహం నింపుతోంది.

Read More