లోకేష్ కనగరాజ్ జన్మదిన వేడుకలు రజనీకాంత్ కూలీ సెట్స్‌లో ఘనంగా జరిపారు

ప్రముఖ దర్శకుడు లోకేష్ కనగరాజ్ తన 39వ పుట్టినరోజును కూలీ సినిమా సెట్స్‌పై జరుపుకున్నారు. ఈ వేడుకకు సంబంధించిన వీడియోలు, ఫోటోలు సోషల్ మీడియాలో వైరల్ అవుతున్నాయి.

మార్చి 14, 2025న లోకేష్ కేక్ కట్ చేస్తూ సెట్స్‌పై సందడి చేశారు. సినీ ప్రముఖులు, అభిమానులు సోషల్ మీడియా ద్వారా ఆయనకు శుభాకాంక్షలు తెలిపారు.

నటి శృతి హాసన్ ట్విట్టర్ (X) ద్వారా లోకేష్‌కు శుభాకాంక్షలు తెలియజేశారు. ఆమె, “హ్యాపీ బర్త్‌డే డైరెక్టర్ లోకేష్! మీతో పని చేయడం అద్భుతంగా అనిపించింది. మీ భవిష్యత్తు మరింత వెలుగొందాలని కోరుకుంటున్నాను” అంటూ పోస్ట్ చేశారు.

Happy birthday @Dir_Lokesh it’s been awesome working with you Thankyou for the great times and movie magic ! Have a blessed and beautiful birthday and year 🙏🧿❤️ pic.twitter.com/zhhplZJSgr

— shruti haasan (@shrutihaasan) March 14, 2025

లోకేష్ కనగరాజ్ సినిమాటిక్ జర్నీ

1986, మార్చి 14న తమిళనాడులోని కోయంబత్తూరులో జన్మించిన లోకేష్ కనగరాజ్, సినిమాల్లోకి రాకముందు బ్యాంకింగ్ రంగంలో ఉద్యోగం చేశారు. ఆయన తొలి అవకాశం అవియల్ అనే సంకలన చిత్రంతో లభించింది.

2017లో వచ్చిన మానగరం సినిమాతో మంచి గుర్తింపు తెచ్చుకున్న ఆయన, కార్తీ ప్రధాన పాత్రలో కైతి అనే బ్లాక్‌బస్టర్ హిట్ అందించారు. ఈ సినిమా లోకేష్ సినిమాటిక్ యూనివర్స్ ప్రారంభానికి కారణమైంది. ఆ తర్వాత విజయ్ నటించిన లియో, కమల్ హాసన్, ఫాహద్ ఫాజిల్, విజయ్ సేతుపతి నటించిన విక్రమ్ సినిమాలు ఈ యూనివర్స్‌లో చేరాయి.

ఇప్పుడు రజనీకాంత్ ప్రధాన పాత్రలో కూలీ తెరకెక్కిస్తున్నారు. ఈ సినిమాలో రజనీ నెగటివ్ షేడ్ క్యారెక్టర్‌లో కనిపించనున్నారు. అలాగే, నాగార్జున, ఉపేంద్ర, శృతి హాసన్, సౌబిన్ షాహిర్, సత్యరాజ్, పూజా హెగ్డే (ప్రత్యేక పాట) ముఖ్య పాత్రల్లో నటిస్తున్నారు.

లోకేష్ గత చిత్రాలు భారీ విజయాలు సాధించిన నేపథ్యంలో కూలీపై ప్రేక్షకుల్లో భారీ అంచనాలు నెలకొన్నాయి.

Read More