శ్రీకాళహస్తి జనసేన నియోజకవర్గ ఇన్చార్జ్ కోటా వినూత, ఆమె భర్త చంద్రబాబు డ్రైవర్ హత్య కేసులో ప్రధాన ఆరోపణల మధ్య అరెస్టయ్యారు. ఈ నేపథ్యంలో జనసేన పార్టీ ఆమెను సస్పెండ్ చేసింది. పోలీసుల ప్రాథమిక దర్యాప్తులో ప్రాణాలు కోల్పోయిన వ్యక్తి చెన్నై సమీపంలోని కూవం నదిలో కనిపించిన మృతదేహం శ్రీనివాసుల రాయుడు (సీహెచ్. రాయుడు)గా గుర్తించారు. రాయుడు బొక్కసంపాలెం గ్రామానికి చెందినవాడిగా, కొంతకాలం వినూత కోటా వద్ద డ్రైవర్గా, వ్యక్తిగత సహాయకుడిగా పనిచేశాడు. జూన్ 21వ తేదీన వినూత కోటా సోషల్ మీడియాలో రాయుడిని విధుల నుండి తొలగిస్తున్నట్లు ప్రకటన చేశారు. “ఇకపై ఆయనతో తమకు ఎలాంటి సంబంధం లేదు” అని స్పష్టం చేశారు. అయితే, జూలై 8వ తేదీన రాయుడిని చిత్రహింసలకు గురిచేసి, హత్య చేసిన అనంతరం కూవం నదిలో మృతదేహాన్ని పడేశారని పోలీసులు గుర్తించారు.ఈ సంఘటనను లోతుగా దర్యాప్తు చేసిన తర్వాత, పోలీసులు ఐదుగురిని అరెస్టు చేశారు – కోట వినూత, చంద్రబాబు, శివకుమార్, దాసర్ మరియు గోపి. హత్య కేసులో అనుమానంతో వారిని రిమాండ్కు తరలించారు.
ఈ సంఘటన రాజకీయంగా తీవ్ర దుమారం రేపింది. పార్టీ ప్రతిష్ఠకు భంగం కలగకుండా చూడాలనే ఉద్దేశంతో జనసేన హైకమాండ్ కోటా వినూతను పార్టీ నుండి తాత్కాలికంగా సస్పెండ్ చేసింది. ఘటనపై ఇంకా విచారణ కొనసాగుతున్నది.
Read More : హిందీపై పవన్ కల్యాణ్ వ్యాఖ్యలు: విశ్లేషణ
