థియేటర్ బంద్ వివాదంపై కీలక నిర్ణయం

జనసేన పార్టీ కీలక నిర్ణయం తీసుకుంది. థియేటర్ బంద్ పిలుపు వివాదానికి సంబంధించి వచ్చిన ఆరోపణల నేపథ్యంలో పార్టీ నేత అత్తి సత్యనారాయణను తాత్కాలికంగా సస్పెండ్ చేసింది. ఈ మేరకు జనసేన పార్టీ అధికారికంగా ప్రకటన విడుదల చేసింది.

పార్టీ ప్రకటనలో పేర్కొంటూ.. “థియేటర్ బంద్ పిలుపు అంశంలో మీపై వచ్చిన ఆరోపణలు నిజమా? కాదా? అనే విషయం మీరు స్పష్టంగా నిరూపించుకోవాల్సి ఉంది. ఆ ఆరోపణలపై మీ సమాధానం వచ్చిన తరువాతనే తదుపరి చర్యలు నిర్ణయించబడతాయి. అందువల్ల అప్పటివరకు పార్టీ కార్యక్రమాలకు మీరు దూరంగా ఉండాలి,” అంటూ ఆదేశాలు జారీ చేసింది.

ఇటీవల రాష్ట్రంలో థియేటర్లు బంద్ ప్రకటన అంశంపై పెద్ద ఎత్తున చర్చలు జరిగాయి. ఈ నిర్ణయం వెనుక రాజకీయ ప్రేరణ ఉందని ఆరోపణలు రావడంతో జనసేన పార్టీ స్పందిస్తూ వెంటనే చర్యలు తీసుకోవడం గమనార్హం. పార్టీ పరిమితుల్లో నిబంధనలకు లోబడి వ్యవహరించాలని, ఏ ఒక్కరి చర్య పార్టీ ప్రతిష్టకు భంగం కలిగించకూడదని జనసేన స్పష్టం చేసింది.

Read More : TDP : ఆరు శాసనాలతో కొత్త కార్యాచరణ