వైఎస్ఆర్ కాంగ్రెస్ పార్టీ అధినేత, మాజీ సీఎం వైఎస్ జగన్మోహన్ రెడ్డిపై నమోదైన రెంటపాళ్ల కేసును రద్దు చేయాలంటూ దాఖలైన క్వాష్ పిటిషన్పై ఆంధ్రప్రదేశ్ హైకోర్టు ఈరోజు విచారణ జరిపించనుంది. ఈ కేసు రాజకీయ కక్షసాధింపు చర్యల్లో భాగంగా నమోదైనదేనని పేర్కొంటూ జగన్ ఈ పిటిషన్ను దాఖలు చేశారు. గతంలో గుంటూరు జిల్లా పల్నాడు ప్రాంతంలోని సత్తెనపల్లి మండలానికి చెందిన రెంటపాళ్ల గ్రామంలో జరిగిన సంఘటన నేపథ్యంలో ఈ కేసు వెలుగులోకి వచ్చింది. అక్కడ జరిగిన జగన్ పర్యటన సందర్భంగా, పార్టీ కార్యకర్త సింగయ్య ఆయన వాహనం కిందపడి మృతి చెందారు. ఈ ఘటనపై జగన్తో పాటు మరికొంతమందిపై పోలీసుల కేసు నమోదు చేశారు.
ఈ కేసును పూర్తిగా రాజకీయ ప్రేరణతో పెట్టినదిగా పేర్కొంటూ, జగన్తో పాటు ఇతర నిందితులు వేర్వేరుగా కోర్టును ఆశ్రయించారు. ఈ పిటిషన్లన్నింటినీ ఏకీకృతంగా పరిశీలిస్తున్న హైకోర్టు, ఈ రోజు వాదనలు వినబోతోంది. కేసు పూర్తి స్థాయిలో రద్దు చేయాలన్నదే జగన్ పక్షం.
ఈ విచారణ రాజకీయంగా కూడా కీలకమైనదిగా భావిస్తున్నారు. తీర్పు ఏ దిశగా వెళ్తుందన్న ఆసక్తి అధికార, ప్రతిపక్ష పార్టీలలో నెలకొంది.
Read More : చెవిరెడ్డి, వెంకటేశ్ నాయుడు సిట్ కస్టడీకి తరలింపు
One thought on “Today : జగన్ క్వాష్ పిటిషన్పై హైకోర్టు విచారణ”
Comments are closed.