రోజూ ముఖాన్ని కడుగుకోవడం స్కిన్కేర్లో ఒక ముఖ్యమైన భాగం. అయితే, చాలా మంది సాధారణంగా సబ్బుతో ముఖాన్ని కడుగుతారు. కానీ, నిపుణుల మాట ప్రకారం ఇది ఆరోగ్యకరమైన అలవాటు కాదని, చర్మానికి కొంతవరకు హానికరమని అంటున్నారు.
సబ్బు వల్ల కలిగే సమస్యలు
✔ చర్మాన్ని డ్రై చేస్తుంది – ముఖ చర్మం చాలా సున్నితమైనది. సబ్బులో ఉండే ఆల్కలైన్ గుణం సహజ నూనెలను తొలగించి, చర్మాన్ని పొడిగా మారుస్తుంది.
✔ pH బ్యాలెన్స్ దెబ్బతింటుంది – సాధారణంగా మన చర్మం ఆమ్ల (acidic) స్వభావాన్ని కలిగి ఉంటుంది. కానీ సబ్బులు ఎక్కువగా క్షార (alkaline) స్వభావాన్ని కలిగి ఉండటంతో pH బ్యాలెన్స్ డిస్ట్రబ్ అవుతుంది.
✔ మురికి పూర్తిగా తొలగదు – సబ్బును ముఖానికి సమర్థవంతంగా అప్లై చేయడం కష్టం. ఫేస్వాష్ లాగా అన్ని మూలల్లోనూ శుభ్రం చేయడం కుదరదు.
✔ బ్యాక్టీరియా పెరిగే అవకాశం – సబ్బులను బహిరంగంగా ఉంచడం వల్ల బ్యాక్టీరియా, ధూళి పేరుకుంటాయి. ఆ సబ్బుతో ముఖాన్ని కడిగితే చర్మ సమస్యలు వచ్చే అవకాశముంది.
✔ కెమికల్స్ ప్రభావం – సబ్బుల్లో ఉండే హార్ష్ కెమికల్స్, పరిమళ ద్రవ్యాలు, రంగులు చర్మానికి హాని కలిగించవచ్చు. దీర్ఘకాలంలో ముడతలు, మంట, చర్మ వ్యాధులు ఏర్పడే అవకాశం ఉంది.
సబ్బుకు బదులుగా ఏమి వాడాలి?
నిపుణులు సబ్బుకు బదులుగా మైల్డ్ ఫేస్వాష్, నేచురల్ క్లెన్సర్లు వాడాలని సూచిస్తున్నారు. హైలురోనిక్ యాసిడ్, గ్లిజరిన్, ఆలివ్ ఆయిల్, నియాసినమైడ్ వంటి సహజ పదార్థాలతో తయారైన ప్రొడక్ట్స్ చర్మానికి ఉత్తమమైనవి.
గమనిక: ఈ సమాచారం నిపుణుల అధ్యయనాల ఆధారంగా అందించబడింది. మీ చర్మ సమస్యల కోసం డెర్మటాలజిస్ట్ను సంప్రదించడం ఉత్తమం.
One thought on “ముఖానికి సబ్బు మంచిదేనా? నిపుణుల సూచన ఇదే!”
Comments are closed.