హైడ్రా కొత్త లోగో విడుదల

హైదరాబాద్ డిజాస్టర్ రెస్పాన్స్ అండ్ అసెట్ ప్రొటెక్షన్ ఏజెన్సీ (HYDRA) తన కొత్త లోగోను అధికారికంగా విడుదల చేసింది. ఇప్పటివరకు ఈవీడీఎం లోగోను ఉపయోగిస్తూ వచ్చిన హైడ్రా, తాజాగా జలవనరుల ప్రాధాన్యతను ప్రతిబింబించేలా కొత్త లోగోను రూపొందించింది. హెచ్ అక్షరంపై నీటి బొట్టు ఆకారంలో ఉన్న ఈ లోగో, హైడ్రా లక్ష్యాలను స్పష్టంగా ప్రతిబింబిస్తోంది. ఇకపై ఈ లోగోను హైడ్రా కార్యాలయం, వాహనాలు, సిబ్బంది యూనిఫాంలపై చూడొచ్చు. హైడ్రా అధికారిక ట్విట్టర్ (ఎక్స్) ఖాతాలోనూ ఈ కొత్త లోగో ప్రొఫైల్ పిక్చర్‌గా అమర్చారు.

ఇకపోతే, అక్రమ నిర్మాణాలపై తన చర్యలతో హైడ్రా నగర ప్రజల్లో విశ్వాసాన్ని పెంచింది. చెరువులు, కుంటలపై నిర్మించిన అనధికారిక కట్టడాలను కూల్చుతూ హైడ్రా తన కర్తవ్యాన్ని నిర్విరామంగా కొనసాగిస్తోంది. ప్రజల నుంచి వచ్చే ఫిర్యాదులపై వెంటనే స్పందిస్తూ, ముందుగా నోటీసులు జారీ చేసి, స్పందన లేకపోతే తక్షణమే చర్యలు తీసుకుంటోంది. నగరంలోని ప్రభుత్వ భూములపై ఉన్న ఆక్రమణలపై కూడా హైడ్రా కఠినంగా వ్యవహరిస్తోంది.

హైడ్రా చర్యలు ప్రజల ఆస్తులను కాపాడటమే కాకుండా, నగర సుందరీకరణలో కీలకపాత్ర పోషిస్తున్నాయి.

Read More : టీ-హబ్ : “బెస్ట్ కాన్సీవ్డ్ కోహోర్ట్ 2025”