హైదరాబాద్ సెంట్రల్ యూనివర్శిటీ (HCU) భూములకు సంబంధించి చుట్టుముట్టిన వివాదం నేపథ్యంలో సోషల్మీడియాలో ఒక ఎఐ (ఆర్టిఫిషియల్ ఇంటెలిజెన్స్) ద్వారా రూపొందించబడిన ఫోటోను ‘ఎక్స్’ (మాజీ ట్విట్టర్) వేదికపై రీపోస్ట్ చేసిన ఘటనపై తెలంగాణ ప్రభుత్వ సీనియర్ ఐఏఎస్ అధికారి స్మితా సబర్వాల్కు గచ్చిబౌలి పోలీసులు నోటీసులు జారీ చేసిన విషయం తాజాగా వెలుగులోకి వచ్చింది.
‘Hi Hyderabad’ అనే ప్రముఖ సోషల్ మీడియా హ్యాండిల్ నుంచి ఆ ఫోటోను ఓరిజినల్ పోస్టు చేయగా, అదే చిత్రాన్ని స్మితా సబర్వాల్ రీపోస్ట్ చేసిన విషయాన్ని పోలీసులు గమనించారు. ఈ నేపథ్యంలో, భారతీయ శిక్షాసంహితలోని (BNS) 179వ సెక్షన్ ప్రకారం స్మితాకు నోటీసులు జారీ చేసినట్లు అధికార వర్గాలు స్పష్టం చేశాయి.
సోషల్మీడియా వేదికలపై ఇలాంటి ఫోటోలు విస్తృతంగా షేర్ కావడం వల్ల ప్రజల్లో గందరగోళ పరిస్థితులు, అపోహలు, ఆందోళనలు తలెత్తే అవకాశం ఉందని, దీనివల్ల సామాజికంగా తప్పుడు సంకేతాలు వెళ్లే ప్రమాదం ఉన్నదని పోలీసులు పేర్కొన్నారు. దీంతో ఈ వ్యవహారంపై నిబంధనల ప్రకారం చర్యలు తీసుకోవాల్సిన అవసరం ఉందని భావించి నోటీసులు పంపినట్లు వెల్లడించారు.
Read More : కంచె గచ్చిబౌలి భూములపై సుప్రీంకోర్టుకు సెంట్రల్ ఎంపవర్డ్ కమిటీ సంచలన నివేదిక!
One thought on “ఐఏఎస్ అధికారికి నోటీసులు! HCU వివాదంలో X లో ఏఐ ఫోటో రీపోస్ట్ కేసు”
Comments are closed.