ధనుష్ హీరోగా వరుస విజయాలతో దూసుకెళ్తూ, దర్శకుడిగానూ తన సక్సెస్ను కొనసాగిస్తున్నాడు. గత ఏడాది తన దర్శకత్వంలో రాయన్ సినిమాను తీసుకొచ్చిన ధనుష్, ఈ ఏడాది నీలవుకు ఎన్ మేల్ ఎన్నడి కోబమ్ సినిమాతో ప్రేక్షకులను ఆకట్టుకున్నాడు. లవ్ స్టోరీగా రూపొందిన ఈ సినిమా తమిళంలో సూపర్హిట్ అయింది.
తెలుగులో జాబిలమ్మ నీకు అంత కోపమా పేరుతో డబ్ చేసి విడుదల చేసిన ఈ సినిమా, రెండు భాషల్లోనూ మంచి టాక్ అందుకుంది. థియేట్రికల్ రిలీజ్ సమయంలో పోటీ వల్ల వసూళ్లు కొంత తగ్గినప్పటికీ, భారీ వసూళ్లు సాధించే సినిమా అని పరిశ్రమ వర్గాలు అభిప్రాయపడ్డాయి. సాధారణంగా థియేట్రికల్ రిలీజ్ తర్వాత నాలుగు వారాల్లోనే ఓటీటీలో వస్తాయి. కానీ, తెలుగు వెర్షన్ మాత్రం పది రోజులు ఆలస్యం అయ్యింది. ఎట్టకేలకు అమెజాన్ ప్రైమ్ వీడియోలో స్ట్రీమింగ్ కావడంతో ప్రేక్షకులు సంతోషం వ్యక్తం చేస్తున్నారు.
ఈ సినిమాలో ధనుష్ మేనల్లుడు పవిష్ హీరోగా పరిచయం అయ్యాడు. అనిఖా సురేంద్రన్, ప్రియా ప్రకాష్ వారియర్ హీరోయిన్స్గా నటించారు. మాథ్యూ థామస్, రమ్య రంగనాథన్ కీలక పాత్రలు పోషించారు. జీవీ ప్రకాష్ సంగీతం ప్రధాన ఆకర్షణగా నిలిచింది. తెలుగు వెర్షన్ స్ట్రీమింగ్ ప్రారంభమైన తర్వాత ధనుష్ అభిమానులు అమెజాన్ ప్రైమ్ వీడియోలో ఉత్సాహంగా చూస్తున్నారు. ఈ వీకెండ్లో అత్యధిక వ్యూస్, ప్లే టైమ్ రికార్డులు సాధించే అవకాశం ఉంది.
One thought on “ఓటీటీలో ఎట్టకేలకు జాబిలమ్మ నీకు అంత కోపమా – ధనుష్ ఫ్యాన్స్కు పండుగ”
Comments are closed.