తిరుపతి జిల్లా నాగలపురం మండలంలో విషాదకర ఘటన చోటుచేసుకుంది. పోలీస్ ఉద్యోగం కోసం శిక్షణ తీసుకుంటున్న 21 ఏళ్ల యువకుడు రన్నింగ్ చేస్తూ అకస్మాత్తుగా గుండెపోటుకు గురై కుప్పకూలాడు. అతడిని ఆసుపత్రికి తరలించేలోపే మృతి చెందాడు.
సురుటుపల్లికి చెందిన భాస్కర్ అనే యువకుడు డిగ్రీ పూర్తి చేసిన అనంతరం కానిస్టేబుల్ ఉద్యోగం కోసం సిద్ధమవుతున్నాడు. శుక్రవారం ఉదయం స్నేహితులతో కలిసి మైదానంలో రన్నింగ్ చేస్తుండగా హఠాత్తుగా ఛాతిలో నొప్పితో కింద పడిపోయాడు. తక్షణమే అతడిని సమీప ఆసుపత్రికి తరలించినా అప్పటికే ప్రాణాలు కోల్పోయినట్టు వైద్యులు నిర్ధారించారు. యూత్ఫుల్ వయస్సులో భాస్కర్ ఆకస్మికంగా మృతి చెందడం తల్లిదండ్రులు, కుటుంబసభ్యులపై తీవ్ర మచ్చలను మిగిల్చింది.
కేవలం 21 ఏళ్ల వయసులో భవిష్యత్తు కోసం కృషి చేస్తున్న యువకుడి ప్రాణం అర్థాంతరంగా ముగియడం స్థానికులను కూడా కలచివేసింది. ఈ ఘటనతో గ్రామంలో విషాద వాతావరణం ఏర్పడింది.
Read More : రెండు తెలుగు రాష్ట్రాల్లో వర్ష బీభత్సం..
One thought on “రన్నింగ్ చేస్తూ గుండెపోటుతో 21 ఏళ్ల కానిస్టేబుల్ అభ్యర్థి మృతి..”
Comments are closed.