భారత్-ఇంగ్లండ్ టెస్ట్ సిరీస్‌కు ముందు మాటల యుద్ధం.

‘‘మాకు ఎలాంటి భయాందోళనలూ లేవు. అంతర్జాతీయ క్రికెట్‌లో మీరు తరచూ నాణ్యమైన ఆటగాళ్లను ఎదుర్కొంటారు. బుమ్రా గొప్ప బౌలర్. కానీ ఒక్క ఆటగాడు సిరీస్ విజయంలో కీలకంగా ఉంటాడనేది నా నమ్మకం కాదు. జట్టు మొత్తం ప్రదర్శనే విజయానికి కారణమవుతుంది’’ అని స్టోక్స్ వ్యాఖ్యానించాడు.ఇక బుమ్రా విషయానికి వస్తే, 2024 టెస్ట్ సీజన్‌లో అద్భుత ఫారమ్‌లో ఉన్నాడు. ఇప్పటివరకు 13 టెస్టుల్లో 14.92 సగటుతో 71 వికెట్లు తీశాడు. ఐదు సార్లు ఐదు వికెట్ల ప్రదర్శనతో రాణించాడు. ఇంగ్లండ్ గడ్డపై బుమ్రా రికార్డు మరింత మెరుగ్గా ఉంది. అక్కడ ఆడిన 9 మ్యాచ్‌ల్లో 26.27 సగటుతో 37 వికెట్లు సాధించాడు. మొత్తం ఇంగ్లండ్‌పై బుమ్రా 14 టెస్టుల్లో 60 వికెట్లు పడగొట్టాడు.అయితే, ఫిట్‌నెస్‌ను దృష్టిలో ఉంచుకొని ఈ సిరీస్‌లో పూర్తిగా పాల్గొనబోవడం లేదని బుమ్రా తాజాగా స్పష్టం చేశాడు. ‘‘నాకు ఉన్న శారీరక పరిస్థితుల్ని బట్టి నిర్ణయం తీసుకుంటాం. ఈ సిరీస్‌లో మూడు టెస్టులే ఆడతానని ప్రణాళిక ఉంది. మొదటి టెస్టులో కచ్చితంగా ఆడుతాను. మిగిలినవాటిపై పరిస్థితుల ఆధారంగా నిర్ణయం తీసుకుంటాం’’ అని బుమ్రా పేర్కొన్నాడు.

భారత్ చివరిసారిగా ఇంగ్లండ్‌లో టెస్ట్ సిరీస్‌ను 2007లో రాహుల్ ద్రవిడ్ నాయకత్వంలో 1-0 తేడాతో గెలుచుకుంది. అప్పటి నుంచి అక్కడ విజయం కోసం భారత జట్టు ఎదురుచూస్తోంది. ఈ నేపథ్యంలో ఈ సిరీస్ ఇరు జట్లకు కీలకంగా మారింది.

Read More : మేస్ గెలిచిన దక్షిణాఫ్రికా జట్టు స్వదేశ రాగం